Cafeholic (Closed)

這間咖啡室我覺得不錯。午餐較抵食，因為有set，跟埋野飲。如要餐湯或沙律加$8就得。而我都有食過晚餐一次，散叫真的有點貴。但勝在有all day breakfast嘛⋯⋯最適合鍾意唔食正餐嘅我。晚飯時間食早餐，下午茶食午餐....說回這趟午餐，我也是慣常地吃咖哩牛肋條雜菜焗飯。這個真的值得讚！因為真的很好吃。牛肋條吃不到有雪味（可能個汁夠濃吧），雜菜就唔係敷衍了事小貓三四，通常這些配菜永遠不起眼，但對我來說它們是決定食物嘅靈魂，帶起了食物嘅使命感，從而令食物增加口感，平衡口腔嘅重覆細膩感覺。佢提供嘅雜菜，都不可看少，有脆肉瓜，意式黃瓜同青瓜。加上表面一層烘燶芝士，很香。而朋友今次吃了一個碗飯---雜菌肥牛飯。我無試喇，但它被形容得像日式牛飯，相信是燒汁味吧。味道是不錯的，不過我就唔會試喇，因為焗飯是推介。而這裡嘅咖啡都是讚的，喜歡咖啡的可試試。而我不好咖啡，就必喝它的錫蘭奶茶，都是餐茶首選。