Video
Read full review
2024-04-11
475 views
歡迎follow IG @eatwifme2k24 睇更多！｜𝟎𝟏/𝟎𝟒/𝟐𝟎𝟐𝟒 承上期，我哋去咗東涌chill咗大半日，夜晚突然想食啲中菜，於是去稻成好好食一波，為做咗超多功課嘅自己打打氣！整體嚟講幾唔錯，但嗌得有啲多，兩個人正常食量最好只係喺呢四個餸揀三個，避免浪費！ ♡ ⋆⁺₊⋆ ᙏ̤̫ ⋆⁺₊⋆ ♡ ⋆⁺₊⋆ ᙏ̤̫ ⋆⁺₊⋆ ♡ ⟡ 水煮牛魔王 ($228) 好多好多辣椒！如果真係一丁點辣都食唔到嘅就唔好亂挑戰啦，雖然鋪面嘅辣椒山大致係裝飾作用，但上面飄住嘅嗰層辣椒油絕對會隨機殺死一個不知天高地厚嘅唔食辣星人！有一說一，肉質都係唔錯的，本身我哋諗住嗌水煮牛肉，係侍應姨姨介紹呢個牛魔王可以一次食到牛肉、牛展、牛舌、牛肚，決定轉嗌呢個，的確唔錯！信姨姨得好西！ ⟡ 水煮鮮鱸魚 (例) ($268) 好食嘅，魚幾嫩滑，但其他嘅部份唔係特別出彩，兩個人食嘅話例size已經綽綽有餘，記得量力而為呀！ ⟡ 四川擔擔麵 ($78) 比我想像中大碗，如果一個人自己食都幾夠飽～今次終於汲取之前千千萬萬次嘅慘痛教訓，一影完相即刻食，個醬汁非常濃稠，加埋麵條有種starchy嘅感覺，好有飽足嘅感覺！（雖
承上期，我哋去咗東涌chill咗大半日，夜晚突然想食啲中菜，於是去稻成好好食一波，為做咗超多功課嘅自己打打氣！整體嚟講幾唔錯，但嗌得有啲多，兩個人正常食量最好只係喺呢四個餸揀三個，避免浪費！
♡ ⋆⁺₊⋆ ᙏ̤̫ ⋆⁺₊⋆ ♡ ⋆⁺₊⋆ ᙏ̤̫ ⋆⁺₊⋆ ♡
⟡ 水煮牛魔王 ($228)
好多好多辣椒！如果真係一丁點辣都食唔到嘅就唔好亂挑戰啦，雖然鋪面嘅辣椒山大致係裝飾作用，但上面飄住嘅嗰層辣椒油絕對會隨機殺死一個不知天高地厚嘅唔食辣星人！有一說一，肉質都係唔錯的，本身我哋諗住嗌水煮牛肉，係侍應姨姨介紹呢個牛魔王可以一次食到牛肉、牛展、牛舌、牛肚，決定轉嗌呢個，的確唔錯！信姨姨得好西！
⟡ 水煮鮮鱸魚 (例) ($268)
好食嘅，魚幾嫩滑，但其他嘅部份唔係特別出彩，兩個人食嘅話例size已經綽綽有餘，記得量力而為呀！
⟡ 四川擔擔麵 ($78)
比我想像中大碗，如果一個人自己食都幾夠飽～今次終於汲取之前千千萬萬次嘅慘痛教訓，一影完相即刻食，個醬汁非常濃稠，加埋麵條有種starchy嘅感覺，好有飽足嘅感覺！（雖然冇鼎泰豐嘅擔擔麵咁輕盈，但勝在份量足！）
⟡ 五彩芋圓冰粉 ($58)
呢個係每一個被川菜KO嘅人必嗌單品！呢份冰粉有山楂片、提子乾、花生碎、芝麻同芋圓，全部都係我最鍾意嘅小料！食完之後，本身已經辣到不行嘅脷同俾辣油「漿」住嘅喉嚨，一下被冰冰涼涼嘅冰粉洗刷一新，好爽！又可以大吃一波啦～（然後回到被辣翻嘅死循環 -.-）
♡ ⋆⁺₊⋆ ᙏ̤̫ ⋆⁺₊⋆ ♡ ⋆⁺₊⋆ ᙏ̤̫ ⋆⁺₊⋆ ♡
Post
