菠蘿仔食堂 (Closed)

自從無喺機場工作後，都好少入東涌lu~難得朋友過嚟香港，住喺東涌嘅酒店，我就一早早餐都未食坐車過去搵佢一岀地鐵，就見到有間新開嘅菠蘿包店，就買嚟試下原本想揀個雞脾加菠蘿油套餐，點知佢話十一點先有所以就轉左叫個菠蘿油加腸仔炒蛋餐，包埋熱飲一杯☕️。拎到上酒店先知我比錯左杯奶茶我加上茶底好苦，唔太啱我口味。菠蘿油嘅牛油放得好少，菠蘿包個面唔香脆，有點乾。一咬落無左食菠蘿油個種香脆加牛油香夾埋一齊食嘅滿足感。比較失望。腸仔炒蛋質素就正常，不是滑蛋，不過不失。總評價不高，香港岀色嘅菠蘿包有太多，可以用更便宜價錢選擇更好。