Video
Read full review
2023-05-07
629 views
東涌超隱世超地道印度餐廳🤩鐘意食印度野既朋友必試!🥹=====呢間印度餐廳已經食過幾次，一想食印度野果陣都會諗起呢間咁偏僻既餐廳😆今次再帶埋兩個住東涌既朋友仔去試!呢間餐廳既位置係幾偏，旁邊就係東涌炮台，真係住區內都未必發現到呢個滄海遺珠🤣今晚多左2兩個胃我地叫左3個咖哩🤩🌟Saag Paneer菠菜咖哩芝士 $88之前食印度咖喱通常揀肉類，直到第一次試左芝士就愛上左！呢款咖哩既綠色係來自菠菜，芝士係一粒粒固體，質感好特別，奶香味好濃，本身驚會好漏，但試左之後就知完全路係果回事！而咖哩用左菠菜黎煮特別有一種Fresh既感覺，唔同平時食開橙黃色果啲咖哩，如果鐘意食芝士既呢款一定要試！🌟Butter Chicken $88Butter Chicken係一個傳統既印度菜式，咖哩用蕃茄做底，香味好濃，咖哩濃味得黎都食到蕃茄既味，雞既肉質不過不失，份量都算多，整體都係唔錯！但係個人更鐘意另外果兩款😋🌟Beef Korma牛肉腰果白咖哩 $97呢一款已經係榮登左我最愛既咖哩款式！Korma係一種腰果底既咖哩，呈奶白色，堅果味香濃，而且仲食到好香既椰香味，比起其他款式佢有少少甜味，好balance又
=====
呢間印度餐廳已經食過幾次，一想食印度野果陣都會諗起呢間咁偏僻既餐廳😆今次再帶埋兩個住東涌既朋友仔去試!
呢間餐廳既位置係幾偏，旁邊就係東涌炮台，真係住區內都未必發現到呢個滄海遺珠🤣
今晚多左2兩個胃我地叫左3個咖哩🤩
🌟Saag Paneer菠菜咖哩芝士 $88
之前食印度咖喱通常揀肉類，直到第一次試左芝士就愛上左！呢款咖哩既綠色係來自菠菜，芝士係一粒粒固體，質感好特別，奶香味好濃，本身驚會好漏，但試左之後就知完全路係果回事！而咖哩用左菠菜黎煮特別有一種Fresh既感覺，唔同平時食開橙黃色果啲咖哩，如果鐘意食芝士既呢款一定要試！
🌟Butter Chicken $88
Butter Chicken係一個傳統既印度菜式，咖哩用蕃茄做底，香味好濃，咖哩濃味得黎都食到蕃茄既味，雞既肉質不過不失，份量都算多，整體都係唔錯！但係個人更鐘意另外果兩款😋
🌟Beef Korma牛肉腰果白咖哩 $97
呢一款已經係榮登左我最愛既咖哩款式！Korma係一種腰果底既咖哩，呈奶白色，堅果味香濃，而且仲食到好香既椰香味，比起其他款式佢有少少甜味，好balance又有層次，唔係一味得個濃字😍而且牛腩既份量都非常多，又大件又煮到好腍，正！
🌟Masala Kulcha薯仔烤餅 $36
食咖哩點可以少得Naan！呢度都有幾款烤餅，第一款係呢隻Kulcha，餡料係釀左係餅既中間😍熱辣辣既餅皮入面包住有香料調味既薯仔餡！超好食，外脆內軟，每次黎到都會點呢款烤餅👅
🌟Paneer Naan芝士烤餅 $36
呢款個餅底都係厚既，勁香既Cottage Cheese融入左係餅皮之中，完美發揮，即叫即整熱辣辣，有咩可能唔好食🥹
🌟Garlic Naan蒜茸烤餅 $28
呢款Naan個質感係完全唔同，比起上面兩款，呢款可以話係一個薄脆款，食落係脆口，上面舖涌左蒜茸同埋蔥，好香口😍
🌟Tandoori Chicken (Half portion) 印度傳統香燒雞 $92 & Chicken Tikka印式原味串燒雞件 $95
因為唔知試邊款好，所以叫晒兩款睇下有咩唔同🤣賣相大家一樣都係橙色，噴晒煙，食落雞肉係非常嫩滑🫡加埋檸檬汁酸酸地吊一吊味令到成件事清新啲，配埋綠色個薄荷sauce簡直一流💖
食落最大分別係呢度既chicken tikka比起Tandoori chicken係辣味勁啲，而Tandoori chicken係用左有骨既雞件，食落比起chicken tikka再嫩滑啲，所以我地最後都即場encore多左份Tandoori chicken🤣
🌟Saffron Rice印度香料黃飯 $38
飯係用左印度既long grain，啲飯粒粒分明，用左印度傳統香料仲有少少bay leave去煮，配埋咖哩係絕配😋
呢間小店真係好推介！食左幾次都keep到水準，所有菜式都係落order即燒即煮，見住廚師搓麵糰同係咁撻個naan🤣好好食而且價錢抵！雖然位置唔係太方便，但係食完會覺得值得搭呢程車🤣🌟必食推介係所有Kulcha Naan同埋Korma咖哩同波菜咖哩芝士！！！=====
Post