Video
Read full review
2023-10-31
898 views
今日同 👧🏽 入東涌搵間喺海濱隔離嘅異國風嘅餐廳撐枱腳 。餐廳嘅設計用上唔同色彩同掛畫牆畫，十分鮮艷 。臨近萬聖節，餐廳加咗萬聖節元素嘅裝飾同擺設，融入成個環境，十分有趣盞鬼 。最入仲有大銀幕播放體育節目 ，啱晒波牛 。睇真啲仲有個表演台，原來逢五六日同假期仲會有Band show添 。👧🏽 叫咗個10” Pepperoni Pizza薄批 🍕 上檯熱辣辣，賣相亦十分靚仔 。批面滿滿嘅芝士同辣肉腸，咬落仲有香濃嘅蕃茄醬，餅底煙靭軟熟，批邊十分香脆。呢個Pizza我哋直頭俾滿分💯食肉獸 👦🏻 就叫咗個好多人推薦嘅Caribbean Chicken。烤雞十分大份，充滿燒烤嘅香味，用上幾種香料、Rum酒、豉油同紅糖醃製，嫩滑得嚟又入味，重口味人士可以加埋迷迭香醬汁，又係另係一番風味 。飲品方面就叫咗杯Virgin Mojito for揸車嘅 👦🏻 ，而 👧🏽 就揀咗杯凍冰冰嘅Chocolate Smoothie。Virgin Mojito重薄荷且偏酸幾清新開胃🌱鍾意酸嘢嘅Buddy應該會幾啱飲 。杯Chocolate Smoothie香濃朱古力味又冰凍，天氣熱熱哋整返杯爽晒 🍫一餐完美嘅晚餐
今日同 👧🏽 入東涌搵間喺海濱隔離嘅異國風嘅餐廳撐枱腳 。餐廳嘅設計用上唔同色彩同掛畫牆畫，十分鮮艷 。臨近萬聖節，餐廳加咗萬聖節元素嘅裝飾同擺設，融入成個環境，十分有趣盞鬼 。最入仲有大銀幕播放體育節目 ，啱晒波牛 。睇真啲仲有個表演台，原來逢五六日同假期仲會有Band show添 。
👧🏽 叫咗個10” Pepperoni Pizza薄批 🍕 上檯熱辣辣，賣相亦十分靚仔 。批面滿滿嘅芝士同辣肉腸，咬落仲有香濃嘅蕃茄醬，餅底煙靭軟熟，批邊十分香脆。呢個Pizza我哋直頭俾滿分💯
食肉獸 👦🏻 就叫咗個好多人推薦嘅Caribbean Chicken。烤雞十分大份，充滿燒烤嘅香味，用上幾種香料、Rum酒、豉油同紅糖醃製，嫩滑得嚟又入味，重口味人士可以加埋迷迭香醬汁，又係另係一番風味 。
飲品方面就叫咗杯Virgin Mojito for揸車嘅 👦🏻 ，而 👧🏽 就揀咗杯凍冰冰嘅Chocolate Smoothie。Virgin Mojito重薄荷且偏酸幾清新開胃🌱鍾意酸嘢嘅Buddy應該會幾啱飲 。杯Chocolate Smoothie香濃朱古力味又冰凍，天氣熱熱哋整返杯爽晒 🍫
一餐完美嘅晚餐點可以少咗甜品呢？當 👧🏽 仲15/16緊要Tiramisu定Chocolate Brownie嘅時候，👦🏻 表示細路仔先要揀，我要晒！Tiramisu份量好足，酒味重，整體香濃軟滑 。Chocolate Brownie新鮮焗上，加上半溶嘅雲尼拿雪糕，睇到都流口水 。Brownie朱古力濃郁，頗欣賞即使連埋雪糕亦唔會太甜太膩 ，底部仲有少量合桃，加埋一齊食口感更加豐富 。
輕鬆開揚嘅環境，充滿特色風情嘅裝潢同出色嘅餐點，啱晒三五知己飯聚閒聊；又或者喺吧檯同露天Area Chill住飲返幾杯亦得 👧🏽👦🏻 表示今晚極度滿足 。
Post
