Wheatfield X 羅宋湯專門店 (東薈城) (Closed)

A姐話想去shopping，所以我哋就揸車去東涌嘅東薈城行outlet啦！不過，A姐最終竟然咩都無買到，只係好難得咁買咗幾件衛衣送俾我，唔通佢做錯事？哈哈！點都好啦，行完街就係醫肚嘅時候，今日我哋就揀咗Wheatfield X 羅宋湯專門店。廚師推介套餐：海派牛腩羅宋湯羅宋湯可以揀牛腩或豬骨，但我哋都覺得羅宋湯係配牛先最夾。熱辣辣嘅羅宋湯，酸酸辣辣，相當開胃，而牛腩都有成四舊，夠軟腍。羅宋湯嘅湯底好濃郁，而且勁多料，夠晒原汁原味呀！廚師推介套餐：香煎豬扒脆豬仔包豬仔包大大個，一啖咬落去真係有啲難度，而豬仔包超脆口，抵讚！豬扒醃得好入味，嫩滑又易咬，加上新鮮蕃茄同生菜，夠晒juicy。全日自選湯麵套餐：海派牛腩羅宋湯螺絲粉同樣地，羅宋湯可以揀牛腩或豬骨，而麵底有多個選擇，但我哋覺得螺絲粉同羅宋湯係最夾。不過，由於加入咗螺絲粉，所以湯底無廚師推介套餐嘅海派牛腩羅宋湯咁濃郁。另外，螺絲粉粉量夠晒多，男孩子都會夠飽。全日自選湯麵套餐：香煎豬扒至於套餐嘅小食就揀咗香煎豬扒，豬扒夠入味同juicy，仲細心幫你切件上，食落夠晒方便。（記住Like同Share畀朋友）