佐賀山田 (Closed)

青衣城嘅佐賀山田，係日式放題店，一邊燒肉，一邊火鍋！松放題 $398/位免費奉送嘅頭盤「雪の燒肉盛」，出晒煙嘅乾冰效果十分吸睛，包括高級嘅日本佐賀和牛、美國上級牛肋肉、美國SRF安格斯和牛牛板鍵、薄切美國SRF安格斯和牛牛板鍵、美國SRF安格斯和牛一口牛、骨付牛肋肉、美國牛小排！日本佐賀和牛係佐賀山田主打嘅高級牛，脂香滿溢，令人一試難忘！松放題全135種食材任叫任食，牛肉方面，美國SRF安格斯和牛牛板鍵、厚切牛舌同埋美國牛小排嘅質素都唔錯，值得一叫再叫！而每款肉品均有多款口味選擇，有原味、燒肉汁、辣味、鹽醬等，各具特色！海鮮類亦相當吸引，帶子、廣島蠔、大蝦、連甲羅燒都有得任叫任食，食到成口都係蟹膏嘅濃郁鮮味，爽！味酬魚乾、菠蘿、華味鳥雞肉丸、同埋大量款式嘅日本雪條，都可以一再Encore！