Aroma Truffle (Closed)

黑松露薯片登陸了香港一陣子，終於有機會一嚐了。雖然唔係黑松露狂粉，但都幾鐘意黑松露製品嘅我就當然要一試呢個薯片啦！佢都有幾款口味，而今次就揀咗原味黑松露薯片同埋帕馬森芝士黑松露薯片試一試。買到返屋企即刻急不及待開嚟食，一開包裝就已經有撲鼻嘅黑松露香。薯片係密密嘅波浪紋，幾香脆！包裝內都見到有啲油但知道佢地用嘅係橄欖油，感覺都健康啲！每塊薯片上都有啲蒔蘿草點綴，增添咗啲香氣！兩款薯片都幾濃郁黑松露味，而分別在於帕馬森芝士味多咗陣芝士嘅咸香味，平衡返黑松露嘅味道，又多重滋味！同埋相對無咁咸。但如果係黑松露狂粉，就當然買招牌嘅黑松露薯片啦，個種香味真係會令人食唔停口。而且薯片都幾大包，可以同屋企人開心些牙～一次過食唔晒都唔擔心，有封口位可以保存返，幾貼心嘅設計！