Video
Read full review
2020-10-07
325 views
中秋前後要喺荃灣覓食絕對唔係一件易事，到處都人頭湧湧，好在醒目嘅先生一早book定位，呢個假期先可以食返餐好嘅。晚市時段一個價錢就包哂刺身拼盤、泰式生蝦、海鮮拼盤，仲有無限添加嘅串燒、炸物同炸串，自助餐區嘅食物、飲品同甜品亦可以無限自取，超級抵食！點好湯底之後首先送上嘅係刺身拼盤，有三文魚、左口魚裙邊、蠑螺片、北寄貝、赤貝同埋希靈魚刺身，質素唔錯。泰式生蝦每人有兩件，同樣新鮮，配上特製酸辣醬汁，零舍開胃。燒物同炸物選擇雖然唔算多，但勝在新鮮即製，香脆可口。炸串亦非常吸引，特別係冬菇串，外面沾上麵包糠炸得香脆，冬菇仍然保持濕潤彈牙。食完前菜同小食就嚟到今晚嘅重頭戲，火鍋湯底方面我哋加錢揀咗黑松露牛乳湯拼養生花膠雞湯，兩樣都非常吸引。一行入餐廳就俾極度香濃嘅黑松露味吸引住，坐低就即刻問侍應到底係咩咁香，原來係佢哋嘅人氣湯底——黑松露牛乳湯，當然唔可以放過，奶白色嘅湯底面頭係極度香濃嘅黑松露油，表面仲漂住幾片黑松露，貨真價實，入口有好鮮濃嘅菇香，食耐咗依然香氣四溢。另一邊係朋友推薦嘅養生花膠雞湯，花膠超足料，起碼有八大件，配上鮮雞件、蟲草花、蕃茄、豆腐同娃娃菜，絕對係養生之選。除咗鮮甜高質嘅
晚市時段一個價錢就包哂刺身拼盤、泰式生蝦、海鮮拼盤，仲有無限添加嘅串燒、炸物同炸串，自助餐區嘅食物、飲品同甜品亦可以無限自取，超級抵食！
點好湯底之後首先送上嘅係刺身拼盤，有三文魚、左口魚裙邊、蠑螺片、北寄貝、赤貝同埋希靈魚刺身，質素唔錯。
泰式生蝦每人有兩件，同樣新鮮，配上特製酸辣醬汁，零舍開胃。
燒物同炸物選擇雖然唔算多，但勝在新鮮即製，香脆可口。
炸串亦非常吸引，特別係冬菇串，外面沾上麵包糠炸得香脆，冬菇仍然保持濕潤彈牙。
食完前菜同小食就嚟到今晚嘅重頭戲，火鍋湯底方面我哋加錢揀咗黑松露牛乳湯拼養生花膠雞湯，兩樣都非常吸引。
一行入餐廳就俾極度香濃嘅黑松露味吸引住，坐低就即刻問侍應到底係咩咁香，原來係佢哋嘅人氣湯底——黑松露牛乳湯，當然唔可以放過，奶白色嘅湯底面頭係極度香濃嘅黑松露油，表面仲漂住幾片黑松露，貨真價實，入口有好鮮濃嘅菇香，食耐咗依然香氣四溢。
另一邊係朋友推薦嘅養生花膠雞湯，花膠超足料，起碼有八大件，配上鮮雞件、蟲草花、蕃茄、豆腐同娃娃菜，絕對係養生之選。
除咗鮮甜高質嘅湯底之外，肉類嘅質素亦唔錯，牛肉肥瘦均勻，紋理清晰，入口牛味夠哂重；豬肉片亦唔遜色，口感軟腍，唔會乾爭爭。
海鮮拼盤有新鮮虎蝦、帶子、生蠔同墨魚，質素同樣唔錯。
除咗任叫嘅肉類之外，自助餐區仲有任攞嘅丸類同蔬菜，質素亦唔錯，特別係貢丸，口感彈牙，肉汁豐富。好耐冇食過質素咁好嘅半自助火鍋放題，食材選擇多元化，而且質素唔錯，價錢亦非常合理，希望疫情快啲過去，可以帶埋一家大細嚟再食過！
Post
