Video
Read full review
2023-09-25
34 views
呢間鐵板燒係板神嘅副線，而家做緊新張優惠，$148就食到佢哋嘅全日優惠餐，鍾意食鐵板燒嘅我梗係唔可以錯過！▫️MKT全日鐵板燒優惠餐 ($148) 4/5套餐包前菜、田園沙律、季節蔬菜、大蝦、美國牛肉薄燒、麵豉湯同炒飯🥣主角梗係大蝦同美國牛肉薄燒！大蝦係用蝦膏整成嘅汁嚟整，蝦味香濃有鮮味，咬落爽口彈牙😋牛肉薄燒入面包住蔥花同蒜片，超級惹味得嚟又唔會遮咗牛肉味。炒飯可以揀牛肉或者煙肉🍚我哋揀咗牛肉，加埋蛋、洋蔥同蔥炒到粒粒分明，好惹味，雖然我食到呢度已經飽飽哋，但係食食下都食曬成碗🤣▫️鐵板焦糖多士 ($10) 5/5食鐵板燒一定要食焦糖多士！本身個餐有半塊，我哋用優惠價再加配多一塊🤤多士加埋牛油同白糖燒到金黃色，咬落焦香酥脆，完美總結呢一餐😍▫️草莓奶昔 ($40) 3.5/5餐廳仲可以用優惠價加配幾款台式手搖飲品，但係我同朋友都想飲冰涼嘅飲品，就用原價買咗隔離COMMA嘅手搖飲品🍹 奶昔士多啤梨味好香，飲落唔係香精嘅死甜味，但係冰粒打唔勻，一路飲會一路咬到好大嘅冰粒，影響咗口感。▫️Double多多冰號 ($38) 4/5Double份量嘅益力多真係唔講得笑，如果好鍾意飲益力多就一定要試下啦
▫️MKT全日鐵板燒優惠餐 ($148) 4/5
套餐包前菜、田園沙律、季節蔬菜、大蝦、美國牛肉薄燒、麵豉湯同炒飯🥣
主角梗係大蝦同美國牛肉薄燒！大蝦係用蝦膏整成嘅汁嚟整，蝦味香濃有鮮味，咬落爽口彈牙😋牛肉薄燒入面包住蔥花同蒜片，超級惹味得嚟又唔會遮咗牛肉味。
炒飯可以揀牛肉或者煙肉🍚我哋揀咗牛肉，加埋蛋、洋蔥同蔥炒到粒粒分明，好惹味，雖然我食到呢度已經飽飽哋，但係食食下都食曬成碗🤣
▫️鐵板焦糖多士 ($10) 5/5
食鐵板燒一定要食焦糖多士！本身個餐有半塊，我哋用優惠價再加配多一塊🤤多士加埋牛油同白糖燒到金黃色，咬落焦香酥脆，完美總結呢一餐😍
▫️草莓奶昔 ($40) 3.5/5
餐廳仲可以用優惠價加配幾款台式手搖飲品，但係我同朋友都想飲冰涼嘅飲品，就用原價買咗隔離COMMA嘅手搖飲品🍹 奶昔士多啤梨味好香，飲落唔係香精嘅死甜味，但係冰粒打唔勻，一路飲會一路咬到好大嘅冰粒，影響咗口感。
▫️Double多多冰號 ($38) 4/5
Double份量嘅益力多真係唔講得笑，如果好鍾意飲益力多就一定要試下啦😆益力多加上沙冰，係大熱天時就啱晒，又清涼又解渴，一舉兩得🤓
餐廳環境唔錯，店員都好nice，想用親民價食鐵板燒嘅大家一定要試！🥰
Post
