板神居酒屋 (銀八)

Open Now

Now Closed

作為板神嘅忠實fans, 佢哋推出咗新嘅餐廳板神居酒屋，梗係要去試吓啦。餐廳嘅氣氛好好，好熱鬧，最記得嘅係佢哋嘅裝飾真係有1000 Yen吊住喺度，好搞笑！！😝😝我見到佢有優惠，仲要勁荀，提早一日book枱嘅話就可以用$5食到A5和牛壽喜燒，可惜我去到餐廳先發現，但係唔緊要，嘢食嘅性價比都幾高，價錢份量都親民呀！❤️❤️前菜叫咗燒魷魚一夜干，配住酒飲嘅話真係幾唔錯，一邊傾計一邊食一邊飲酒。燒得好香口。明太子玉子燒，玉子厚身滑嫩，再加埋明太子嘅點綴，令到味道再昇華👏🏻👏🏻👏🏻個賣相已經好吸引了，味道都相當唔錯！免治雞肉串梗係要配生雞蛋，雞肉入邊應該撈咗少少雞軟骨，增加咗成個口感，雞肉味道都幾濃郁👍👍櫻花蝦三文魚子釜飯，一打開蓋就俾佢震撼到，超級多料，誠意十足呀！櫻花蝦同三文魚嘅配搭好好，我哋都好鍾意食。牛肉烏冬，唔係我哋平時食嘅肥牛係好靚嘅牛肉，出色嘅牛肉配埋出色嘅烏冬就係一個高級嘅享受ya!! 值得推介三五知己嚟呢度品嚐美食❤️❤️👍鍾意飲酒嘅更加唔好錯過，有超多酒可以揀！今次食飯滿意呀😆