極尚大瀛喜日本料理

Open Now

Now Closed

收工好肚餓時，食放題絕對係不二之選。一坐位，當然點番盆刺身先😋。刺身選擇都唔小，有13款，三文魚、油甘魚、吞拿魚、北寄貝、帶子、希靈魚等等。刺身都好肥美同新鮮，特別推介海蜇刺身，好爽口。醉鮑魚：浸得入味，鮑魚size ok，而且唔韌鹽燒牛舌：其中一樣我必叫既野食，水準依然很好。蜜汁蒜香牛柳粒：份量都唔小，牛柳粒唔會overheat. 金銀蒜蓉醬蒸扇貝：爆多蒜蓉，元貝都好大粒。金湯酸菜魚：抱住中伏既心態食，竟然有驚喜，酸味同麻味加埋，好惹味，魚片亦都好滑。牛油炒粟米🌽+燒菠蘿：好平凡既兩道菜，但我次次都必叫。牛油粟米上菜時熱辣辣，而且撈滿牛油。燒菠蘿解滯最岩，而且好juicy。放題當然唔小得飲品，甜品同自助吧任飲任食。座位都寬敞，而且店員收碟速度都快。