Video
Read full review
2024-01-19
154 views
估唔到我第一篇食評係要畀劣評!! 12月31日是除夕,亦都係我同先生嘅結婚週年紀念, 但係就畀Odelice呢一餐飯徹底破壞曬!!嗰晚我哋同仔仔一家四口諗住開開心心食晚飯慶祝, 除夕夜都預咗食嗰啲節日大餐,去到門口,佢都大大塊發光嘅板寫住有個2人festive set, 睇過啱食book咗枱就入去啦點知……入去到坐低嘅時候先至派張新嘅單人嘅節日set menu, 話冇其他嘢揀, 我哋問佢哋門口嗰個二人套餐呢, 佢話要到八點幾先有喎, 我唔明點解入門口嘅時候又唔講, 甚至乎門口仲要大大張發光menu喺度, 連細細粒字話今晚冇offer或者八點半先提供都冇寫明😑😑唔緊要,當時我都未嬲嘅,諗住喺單人menu度揀過啦 (不過我身邊有三台客人已經嬲緊, 都係因為個menu唔啱食同D waiter講)跟住有個黑口黑面嘅waitress埋嚟落單, 我哋未揀到嘢食, 話落住三個先, 佢話四個人一定要同一時間落單, 我叫佢畀啲時間我哋諗下, 因為個改咗嘅指定set menu入面,我啲細路有啲嘢唔食, 跟住佢繼續迫我哋落order, 我話我啲仔唔食內臟同田螺, 佢又來來回回迫咗我哋幾次, 跟住我叫佢叫第二
嗰晚我哋同仔仔一家四口諗住開開心心食晚飯慶祝, 除夕夜都預咗食嗰啲節日大餐,去到門口,佢都大大塊發光嘅板寫住有個2人festive set, 睇過啱食book咗枱就入去啦
點知……入去到坐低嘅時候先至派張新嘅單人嘅節日set menu, 話冇其他嘢揀, 我哋問佢哋門口嗰個二人套餐呢, 佢話要到八點幾先有喎, 我唔明點解入門口嘅時候又唔講, 甚至乎門口仲要大大張發光menu喺度, 連細細粒字話今晚冇offer或者八點半先提供都冇寫明
😑😑
唔緊要,當時我都未嬲嘅,諗住喺單人menu度揀過啦 (不過我身邊有三台客人已經嬲緊, 都係因為個menu唔啱食同D waiter講)
跟住有個黑口黑面嘅waitress埋嚟落單, 我哋未揀到嘢食, 話落住三個先, 佢話四個人一定要同一時間落單, 我叫佢畀啲時間我哋諗下, 因為個改咗嘅指定set menu入面,我啲細路有啲嘢唔食, 跟住佢繼續迫我哋落order, 我話我啲仔唔食內臟同田螺, 佢又來來回回迫咗我哋幾次, 跟住我叫佢叫第二個人嚟同我落單, 佢先死死地氣同我落咗三個餐先, 我完全唔明點解唔可以後加單, 又要迫我哋食啲我哋唔食嘅嘢😡😡
跟住二個侍應畀咗個kids menu我哋(唔明點解之前唔畀), 全部都係肉好好多, 咁叫多個set就等食啦~
點知啲菜出到錯曬, 唔關分開落單事㗎, 頭嗰三個餐都係咁, 食完appetizer就出雪糕, 個黑面waitress未攞過嚟已經自言自語話'咁快嘅', 根本自己都覺得有問題又攞過嚟想迫我要, 我梗係耍手擰頭啦, 主菜都未食就要我食甜品😑
跟住個kid set又嚟咗個主菜都未上湯, 大人set個主菜個牛肉又嚟咗兩碟double咗, 明明想去食油封鴨脾, 就變咗鴨絲, 又唔記得比火雞主菜……
見到佢哋做緊好多單外賣, 唔知係咪因為咁出到錯曬, 但又限我哋食嘅時間, confirm booking 叫我哋準時, 因為要交枱, 仲問我有冇special request, 我懶開心咁話我結婚週年, 你畀張舒服嘅枱我哋得㗎喇, 佢話mark低咗會寫Happy Anniversary喺枱度( 我諗住畀個surprise老公都好) 但知唔知最後係寫咗喺邊度呀? 寫咗喺張單度呀, 佢哋唔寫扮唔知好過啦, 知道嘅話仲要serve得咁差, 你同我寫喺張單度, 即係咩意思呀?!係咪想提醒我呢一餐Odelice為我哋畫上'幾完美'嘅句號?!😤😤😤😤
Post