Odelice! (新城市廣場一期)

Open Now

Now Closed

見同屋企人未食過法國菜，今日中午經過見呢間有油封鴨腿，之前喺其他店鋪食過好好食想介紹俾屋企人品嚐和回味一下，而且有班尼迪克蛋我都未食過，好想試，所以就入咗呢間鋪試下 當打算叫幾個午市套餐時，侍應話星期一至五冇班尼迪克蛋提供，原因係工序繁複 唯有改叫其他套餐。 最終選咗黑松露雜菌烩飯、法式牛肉漢堡配薯條和香橙油封鴨腿蘆筍燒薯粒。三個餐頭盤要咗個個餐湯、炸黑松露蘑菇球，同埋加錢要西班牙白毛豬火腿（50g）。蔬菜蓉忌廉湯：入口好香菜味同好creamy，另外加係湯嘅金華火腿粒帶少少鹹香炸黑松露蘑菇球：新鮮熱辣炸起勁熱，外脆內軟，好香黑松露味西班牙白毛豬火腿（50g）：冇得輸，鹹香啱啱好恰到好處，好好味黑松露雜菌烩飯：整個飯好香黑松露味，飯粒硬度恰到好處。 唯一係鹹咗少少法式牛肉漢堡配薯條：薯條好脆，牛肉漢堡入口好juicy多汁香橙油封鴨腿蘆筍燒薯粒：鴨腿有香橙味，但有少少鹹 而且鴨肉質唔似我在其他食店，入口唔使用力即融嘅感覺，呢間要用少少力咬，比較遜色，蘆筍比較老有啲渣呢間法國餐廳唔算上等衹係普普通通，而且啲位有啲逼枱面唔夠大，叫多幾個餐就冇位放

Odelice 位於沙田新城市廣場嘅分店採用了半開放式設計，餐廳周圍放置了花草🪴怖置，魷魚置身法國巴黎街頭嘅餐酒館感受到浪漫🌹愜意嘅vibe👍🏻一貫對於法國菜嘅印象都係價錢比較貴，Odelice 有別於其他餐廳，主打家庭式法國菜，以親民價錢就可以品嘗到地道法國菜😌另一大讚嘅係店員嘅服務相當到位，會留意👀食客嘅需要同進食速度，好以安排下一道菜👍🏻👍🏻除咗a la carte menu ，仲有2-5人晚市套餐可以選擇，無論二人晚餐定家族朋友聚會都非常適合🈴我地今晚就揀咗二人晚市套餐，任選兩款小碟，兩款主菜連餐湯及餐前小法包🥖法式點心拼盤拼盤有6款小食點心，法式醃蘿蔔爽爽脆脆，沾上秘製醬料一齊食，別有一番風味☺️西班牙火腿鹹香十足，迷你蛋批同蟹肉塔，細細件一口size 好方便，炸黑松露蘑菇球係小妹最愛，外脆內軟👍🏻👍🏻巴黎式芝士蛋糕🍰芝士蛋糕較一般更濕潤，入口順滑綿密，配上酸酸甜甜嘅紅莓醬，平衡芝士嘅甜膩感。再配上額外加配嘅XTC雪糕，冷熱搭配更加滋味❤️原隻烤龍蝦🦞原隻開半龍蝦面頭鋪滿芝士同芥末荷蘭醬，邪惡感十足🤭龍蝦肉爽甜超級新鮮。記得用埋餐廳提供嘅拆殼用具，大大隻龍蝦鉗入邊仲有好多龍蝦肉🤭

呢間餐廳原來有五間分店, 今次就試下新城市廣場既分店先, 佢係走巴黎小酒館風格的法式餐廳, 以法國菜為主, 餐廳以藍色格調和外圍有花草群作裝飾, 裡面感覺優雅, 坐位舒適。晚市雙人套餐 $538包括有兩個頭盤 + 兩主菜。Starter/甜品，可以各一，或者兩個頭盤/兩個甜品都可以, 自由選擇~*餐湯甘荀打蓉製成既濃湯, 湯好濃郁又夠熱, 好飲。配埋小法包, 牛油加左小小鹽, 更有味道~*法式點心拼盤拼盤6款小食各有特色, 小蘿蔔仔好得意爽脆, 點埋特別醬料一齊食, 好有新鮮感, 香濃迷你蛋批和蟹肉他他塔唔錯, 西班牙火腿有鹹香味, 外酥內軟的炸黑松露磨菇球我就最喜歡, 黑松露味道香濃~*煎鴨肝，油封鴨腿意粉 (+$35)鴨肝煎得外脆內軟，食落濃郁, 鴨腿拆肉, 不會太咸, 意粉軟硬適中掛滿忌廉汁，好creamy。*油甘魚海鮮鍋
包括有油甘魚，黑青口，蜆同薯粒。個海鮮濃湯汁味道唔錯。*芒果，紅莓醬可麗餅-椰子雪糕可麗餅上面鋪滿鮮甜的芒果粒和塗上紅莓醬，加上很香的椰子雪糕，味道有層次。我自己完show後, 當然要飲番杯酒開心下啦, 叫左杯 House White Wine, 要fruit

食物不錯，但原來餐廳要每人叫一樣食物，如果係咁，應該在餐牌上寫明或在入座時講淸楚。另外，有個待應好似冇帶腦返工咁，呢頭order完，佢即時確認order都可以錯，如果記性差的話，你可以用紙寫低！其他待應態度不錯。

一早已經發現有這家餐廳，但之前又無藉口去試，昨日因結婚週年紀念日，再加上有優惠可以用就不防一試。首先，外在環境已經好有小巴黎嘅感覺（因為之前就係外觀已被吸引到），昨晚試過食物後，更覺得物有所值！食物質數有一定水準，個人最喜歡的是前盤小食及香煎三文魚，這兩款菜式真是一試難忘；而服務員的悉心款待，令整晚嘅晚餐都好有質感！我個人覺得真是一個拍拖或週年紀念的好選擇。後記：唯一美中不足之處！是後方一檯的三個男食客，全晚不斷粗口橫飛，完全唔尊重身處的地方及其他食客，令到成個氛圍破壞了！

想係沙田食西餐既話我會揀Odelice! ~~~佢地既食物水準堅高喎, 款款都有驚喜!!!今日6點幾黎到入座仲可以揀位, 但到食完餐廳就已經full house咯, 都係預約穩陣D喇餐廳環境裝修新穎別緻, 帶有高級餐廳既感覺~~好適合同朋友聚餐同情侶約會今日2人點左個2人晚市套餐$538~包餐湯+2小碟(頭盤/ 甜品)+2主菜另外點左杯White wine (有8折喔) & ice lemon tea忌廉湯熱辣辣, creamy得黎又帶點質感餐包外脆內軟, 質感煙韌法式點心拼盤有6款小食~ 包括蟹肉撻, 黑松露球, parma ham, 蛋餅, 三文魚蓉 & 脆酸種麵包~~呢個拼盤款式好特別, 每樣都好好味, 必食丫!!!三文魚蓉配脆酸種麵包黑松露球有滿滿既黑松露, 非常之香呀!!原隻烤龍蝦龍蝦大大隻~ 表面鋪滿濃郁既芝士龍蝦啖啖肉, 肉質潔白飽滿, 爽口彈牙, 味道鮮甜~~阿根廷安格斯肉眼牛扒點左5成熟, 生熟度剛剛好~~肉眼牛扒色澤深紅, 表面烤得微脆, 恰到好處肉質鮮嫩多汁, 油脂分布均勻, 味道濃郁, 肉香四溢, 口感豐富薯條香脆可口!!巴黎式芝士蛋糕第一次食熱既芝士蛋糕, 感

🌸餐湯熱辣辣又Creamy🌸法式三文魚醬酸種麵包，酸種麵包脆卜卜，三文魚醬份量好足夠，非常濃郁！配埋酸種麵包，味道好清新，幾開胃🌸鱸魚海鮮鍋（黑青口、蜆、薯粒、海鮮濃湯汁）鱸魚好厚肉又好新鮮，真係啖啖肉，配埋海鮮濃湯汁，味道超夾！配埋好新鮮嘅黑青口同埋蜆，真係好豐富🌸阿根廷安格斯肉眼牛扒+薯條(忌廉肉汁)安格斯肉眼牛扒煎得好香口，外層焦香，肉質鮮嫩多汁好juicy，牛肉味好濃郁，質感軟腍，配埋忌廉肉汁一齊食，好正！仲有香脆熱辣辣嘅薯條🌸西班牙白毛豬火腿，塊塊白毛豬火腿食落口都好並香仲有好濃郁嘅香味同埋鹹味！🌸巴黎式芝士蛋糕（水蜜桃味）芝士蛋糕香滑可口質地細膩，入口即化，而且味道濃郁，仲食到水蜜桃嘅香味，甜度啱啱好🌸泡沫咖啡味道香濃🌸蜜糖生薑特飲幾特別，甜甜嘅蜜糖配埋生薑嘅微辣，都幾好飲！餐廳舒適，裝修好高貴又有情調，最適合同朋友黎食飯傾計chill下餐廳店員服務態度好友善，抵讚

Odelice 係一間我覺得性價比幾高法國菜，價格親民～呢日周末趁住放工後就過黎感受下picnic in Paris 喇$258@2 包兩杯飲品咸點；蟹肉他他迷你撻 三文魚醬多士康堤芝士：整條芝士當小食炸黑松露蘑菇球：本日之冠，炸皮酥脆，蘑菇餡creamy好香！甜點：蘋果肉桂迷你撻馬卡龍： 有朱古力/抹茶兩款口味巴黎式芝士蛋糕：有點像巴斯克入口即溶，推介！朱古力合桃布朗尼飲品：加錢要左杯latte~ 因為呢度沖咖啡係幾好飲，傳統會跟塊餅乾仔

今晚去左新城市嘅Odelice食，呢間餐廳一直都好評如潮，一直好想試。我哋夜晚七點幾去到，餐廳都幾多人，我哋有book位，所以好快已經安排到位置。佢夜晚既晚市套餐分左好多款，適合2至5人食，按自己人數同需要去order。套餐就當然包左麵包同餐湯，麵包十分軟滑，而且好香麥味。餐湯就十分creamy，而且加上麵包脆冰增加口感。前菜我地揀左《法國Charolais 生牛肉他他》，佢既調味岩岩好，令牛味突岀，再配上烘左既多士一齊食，正！主菜就叫左2款第一款係《煎鴨肝 油封鴨腿意粉》，個鴨肝煎得好，外脆內嫩，十分香口，油封鴨腿已經拆左肉，啖啖肉食得好方便，每條意粉都沾滿左濃濃嘅汁，成個意粉味道好正。第二款係《阿根廷安格斯肉眼牛扒》，大大塊嘅肉眼扒有陣陣香烤的氣味；肉眼部位有顯著嘅油脂，分佈十分細緻，肉質香嫩多汁，成個口腔滿滿嘅牛肉味道。甜品就揀左《巴黎式芝士蛋糕》作為一餐嘅結尾，芝士味香濃又帶有酒香，配合埋個焦糖蘋果，配合埋個焦糖蘋果，十分解膩又滿足。

今日同朋友gathering , 就去吓依間，之前都嚟過，我哋叫咗兩個see lunch ! 芝士雲吞都算芝士味濃，喜歡芝士的值得一試！另外就叫咗意粉，都算唔錯！餐飲叫咗一杯法國茶，原來係比一個茶包同一杯熱水你，自己放茶包去杯熱水到😅😅

結婚7週年偷咗少少時間去來個小慶祝於是揀咗之前食過很不錯嘅 Odelice依舊來個Set for 2💕呢晚係飲南瓜湯好smooth好甜佢哋嘅法包加海鹽牛油真係好好食Starter就要咗法國田螺🐌 Love it!Main就揀左豬鞍同原隻烤龍蝦😋豬鞍煮得啱啱好～完全唔會鞋仲好嫰滑👍🏻而龍蝦就超彈牙而且好多膏～鮮甜MAX!經理話啲龍蝦係每日新鮮運嚟香港🤩最後當然嚟返個crepe☺️為今晚嘅小date night畫上完美嘅句號❤️多謝餐廳幫手寫上Happy 7th Anniversary💞

最近去咗Odelice! ✨位於沙田新城市廣場嘅分店，餐廳環境充滿法式風情，裝潢時尚而舒適，設計得好有品味，好適合朋友聚餐或者情侶約會。🔹阿根廷安格斯牛脊肉配法邊豆、燒薯粒、鴨肝白蘭地醬汁牛脊肉煮得剛剛好，外面微微焦香，肉質嫩滑，咬落去充滿肉汁，配上鴨肝醬，味道更加豐富，真係一個完美嘅搭配！法邊豆清脆爽口，燒薯粒外脆內軟，增添咗整道菜嘅口感層次～🔹香煎三文魚配西蘭花苗、蕃茄甜椒海鮮醬汁三文魚煎至表面金黃，外脆內嫩，配上清新西蘭花苗，口感好清新。海鮮醬汁帶有蕃茄同甜椒嘅香味，酸甜適中，令整道菜更加開胃～🔹法國田螺田螺用香草同蒜蓉焗製，味道鮮美，肉質彈牙，搭配麵包一齊食，令人一口接一口，完全停唔到口～🔹蘋果肉桂可麗餅薄薄一層可麗餅，包住香甜蘋果同肉桂，味道香甜，搭配冰凍香草雪糕，口感滑順，甜而不膩～🔹Honey Ginger MOCKTAIL香甜蜂蜜配帶點微辣嘅生薑，暖心又暖胃！Odelice! ✨地址：沙田沙田正街18-19號新城市廣場一期6樓628號舖

今日出沙田睇囡囡表演， 之後順便係沙田新城市食埋野先， 行過見到d 間裝修靚靚，座位又舒適，weekend 𠕇brunch set ,menu 望落都幾吸引.我地叫咗2 個set , 每個餐約百幾蚊，已包頭盤， 餐湯，主菜同飲品. 另外, 可以用優惠價追加小食同甜品.我叫咗個風乾豬面頰卡邦尼意粉俾我囡囡食，好creamy , 食落又唔會好流， 小朋友差唔多食晒食碟， 推介我自己就叫咗個鱸魚海鮮鍋， 條魚好滑， 好好味， 海鮮配有青口和蜆肉， 鮮甜大隻😋朱古力合桃布朗尼+雲尼拿雪糕： －凍－熱， 絕配

🙋🏻‍♂️餓底探員去咗沙田調查呢間法國菜，餐廳以藍色為主調，配上白色桌椅，充滿法式情調，晚市套餐人均二百幾蚊起有4道菜，食物高質，性價比度高🍽️Bistrôt Set $538 for 2Soup🥕甘筍忌廉湯🙋🏻‍♂️表示個湯質地香滑creamy，飲落有清甜嘅甘筍，仲有同辛香嘅薑味同果仁香味，配上麵包，口感外脆內軟Starter🐚法國田螺🙋🏻‍♂️表示個田螺口感香軟，用香草蒜蓉牛油嚟煮，食落香濃惹味，配上香脆麵包，可以將田螺同香草牛油放上麵包一齊食，味道好正Main🦞原隻烤龍蝦 +$135🙋🏻‍♂️表示個龍蝦肉質彈牙，配上芥末荷蘭汁，食落香濃creamy，底下配上薯粒同番茄龍蝦汁，個汁味道濃厚鮮甜，令薯粒食落更加惹味🥩阿根廷安格斯牛脊肉 +$55🙋🏻‍♂️表示牛脊肉煮到五成熟，肉質粉嫩，食落香軟，充滿香濃牛味，配上濃郁嘅鴨肝砵酒醬，令牛肉味道更豐富，仲有清新嘅邊豆同爽口嘅燒薯粒做配菜Dessert🍫 法國黑朱古力慕絲 🙋🏻‍♂️表示個慕絲用76%黑朱古力做，配上香滑忌廉同杏仁片，慕絲口感軟滑綿密，朱古力味香濃，味道唔會太甜，好好味Wine🥂Chardonnay $75🙋🏻‍♂️表示杯白葡萄酒口感清爽，

假日訓到自然醒跟住去嘆個brunch, 沙田呢間法國🇫🇷餐廳裝潢好有格調，坐得舒適，店員服務仲好殷勤。Brunch Set 包頭盤、主菜和飲品，價錢$95起真正親民價食法國料理😆🔸頭盤生牛肉他他牛角包 +$20生牛肉他他牛味香濃，肉質鮮嫩。放上香脆的牛角包一齊食，口感豐富！
🔸法式三文魚醬酸種麵包 +$25三文魚醬口感清新，酸種麵包質感內軟外脆，好夾好好食！🔸主菜▪️鱸魚海鮮鍋 $170見到枱枱都叫呢個海鮮鍋，真心推介！海鮮鍋有大大隻黑青口，蜆，薯粒，配埋海鮮濃湯汁，好鮮甜惹味！▪️烤龍蝦燴飯 $225半隻龍蝦以芝士，忌廉煮大蔥烤焗，配龍蝦蕃茄醬汁🔸流心水牛芝士 （優惠追加$95）大大舊水牛芝士超流心! 口感綿密濃郁，食落有奶香味，配上西班牙火腿，水蜜桃，火箭菜和樹莓油醋汁，好清新！🔸巴黎式芝士蛋糕 +$48呢個甜品非常出色，水蜜桃味好突出，芝士味同埋好似雪糕同慕斯之間口感好正，必食！🔸鮮奶咖啡 +$18靚靚既拉花，見到心情都特別好🥰🔸蜜糖生薑特飲 +$18賣相好靚！啖啖都有生薑嘅香氣，甜度適中，飲完之後好舒服！