家上海 (形點 I)

Open Now

Now Closed

每次經過呢間上海店都幾多人喺度等位，真係好誇張。星期日去到已經有幾拾人係度等位，好彩家人一星期前已經卜了位，去到都要等了15分鐘先安排到入座，餐廳走平實大衆化路線，價錢中上，而餐牌上都幾多選擇，有套餐同散餐選擇。瑤柱賽螃蟹，蛋白炒得好嫩滑，配入瑤柱，火喉剛剛好，好味😋淮揚五色拼盤，合共5款小吃，有女兒紅醉雞，鎮江冰官肴蹄，涼拌陳醋紅蜇頭，蘇式燻魚，四喜烤麩，上述5款冷盤，除了蘇式燻魚，比較硬之外，其他無論賣相味道都唔錯👍上海梅菜炆排骨，梅菜同排骨系非常之夾，啲排骨質地系豬軟骨，好軟冧，好食兼好好送飯。鹹肉火腿津白，用鹹肉煮津白，加入草菇，好有咸香味，出奇的好食。