Video
Read full review
2008-06-06
24 views
提前在這裏攪端午飯局。事先來看看眾食友嘅評語，發覺係毀譽參半的。同時間又想起愛吃愛煮嘅舅仔大讚呢度嘅生炒骨，恰巧這亦係太座及媽咪嘅摯愛。思前想後，決定自己親身來體會一下，看看是否值得配上如此嘅讚譽...一行十三人，一叫就十多個餸，連埋粥及炒麵，吃得人仰馬翻。至於問我，吃完後之感覺如何 ? 小弟一定會答您 : 絕對值得一來只是家常飯局，自以家庭小菜為主。除了梅子雙蒜蒸蟹之外，其他盡是些尋常小菜如椒鹽鮮魷、枸杞浸豬潤、煎藕餅等等，一切海上鮮及鮑參翅肚一律免問。一向覺得，要弄這些平常家庭小菜先至係考牌之作...事先訂了鹽焗雞、枸杞浸豬潤及泥鯭粥，再加其他小菜，例牌上，可以試多幾款，唔夠再叫，才是上上之策...最快上枱嘅煎藕餅，咬落質感鬆散，沒有加好多粉入去。吃落嗦嗦聲，藕粒極足，鹹度亦剛好。太座大讚味道好家常，小弟亦同意...枸杞豬潤份量十足。一望見豬潤嘅賣相就知今次有口福 --- 切得極厚身，色冇暗啞，一睇就知極新鮮；吃落爽口，起沙，一點苦味都沒有，真的有水準，比上次响得龍吃到的更出色，就個人而言，甚至比做豬潤做到成行成市嘅小店維記更好。枸杞也是新鮮貨，苦澀味不太濃，跟豬潤可謂天仙配...
一行十三人，一叫就十多個餸，連埋粥及炒麵，吃得人仰馬翻。至於問我，吃完後之感覺如何 ? 小弟一定會答您 : 絕對值得一來
只是家常飯局，自以家庭小菜為主。除了梅子雙蒜蒸蟹之外，其他盡是些尋常小菜如椒鹽鮮魷、枸杞浸豬潤、煎藕餅等等，一切海上鮮及鮑參翅肚一律免問。一向覺得，要弄這些平常家庭小菜先至係考牌之作...
事先訂了鹽焗雞、枸杞浸豬潤及泥鯭粥，再加其他小菜，例牌上，可以試多幾款，唔夠再叫，才是上上之策...
最快上枱嘅煎藕餅，咬落質感鬆散，沒有加好多粉入去。吃落嗦嗦聲，藕粒極足，鹹度亦剛好。太座大讚味道好家常，小弟亦同意...
枸杞豬潤份量十足。一望見豬潤嘅賣相就知今次有口福 --- 切得極厚身，色冇暗啞，一睇就知極新鮮；吃落爽口，起沙，一點苦味都沒有，真的有水準，比上次响得龍吃到的更出色，就個人而言，甚至比做豬潤做到成行成市嘅小店維記更好。枸杞也是新鮮貨，苦澀味不太濃，跟豬潤可謂天仙配...
吃出信心來，跟住嘅椒鹽鮮魷亦算不錯 --- 魷魚稍嫌不夠厚身，但亦算新鮮彈牙，最重要嘅係脆漿夠薄，不會只吃到厚厚嘅炸粉而吃不到魷魚嘅特有鮮味，比起街邊排檔水準絕有過之而無不及....
"蒸雙芯"乃梅菜芯及菜芯是也。油下得不多，可算係較清嘅一道菜。菜芯不算十分嫩口，但梅菜芯卻弄得一點也不鹹，還帶有少許甜味，加入少許肉碎，用來伴飯吃最好....
响menu一見到有大馬站煲，不顧一切即叫，吃落卻是有點失望。一個好吃嘅大馬站，先決條件係蝦醬要濃要多及爆得夠"透"；用嘅火腩一定要肥七瘦三，這樣才夠油香，不然嗰D拉車伕邊會夠力拉車呀 ?這裏嘅雖然比上次响家附近嘅金華嗰D水汪汪嘅貨色好得多，但絕不是小弟心目中嘅理想大馬站...
翠塘豆腐又係另一送飯王。蛋及豆腐蒸得滑不溜口，但鋪上面頭嘅餡料如蝦仁粒、雞粒及菜梗粒就份量太吝嗇，美中不足...
本來不想叫梅子蒸蟹，但一想起蟹肉嘅鮮甜，還是抵受不住誘惑叫了。賣相十分誘人，梅子及蒜茸下得足。梅子嘅酸及蒜嘅香充份帶出蟹肉嘅甜香，食完蟹爪再吃埋蟹拑，忙得不可開支壓軸好戲當然係將嗰D梅子蒜汁用來撈飯吃，比蟹肉還好吃。三大隻蟹雖然要七百大洋，但仍覺值得...
鹽焗雞水準亦可 --- 雖然不是鮮雞，但肉夠嫩，鹹度剛好亦夠入味。差少少嘅係水準不夠平均 --- 有些皮係脆的，但再試另外的則不是....
是次係為生炒骨而來，主角當然係佢la。試了一口，皮脆之餘肉又不死硬；汁既不過酸亦不過甜，掛醬亦做得不錯，碟底無太多多餘嘅汁。太座激讚之餘媽咪亦覺滿意，於是再encore一碟先夠喉。舅仔嘅稱讚，果然沒錯....
但小弟覺得最出色的，反而係叫嚟送粥嘅豉油王炒麵。炒得乾身之餘麵條又不會黐成一團，碟底一點也不油，鑊氣又夠，而且麵條又上晒色，係小弟吃過最好嘅炒麵....若果有埋余均益嘅辣椒醬，是完美....
第一次聽見生記之名，就係因為嗰煲泥鯭粥，就算已經好飽，都要撐落去粥底綿，有陳皮香。但小弟要求高，總覺偏淡口及少了一份鮮味。是有一點失望了....肉丸亦不太夠彈牙，腍腍的，更失望了...
甜品係久違了嘅白糖糕。不太甜，用來清一清味蕾，剛好....
真的很滿意。水準絕對係beyond expectation，肚皮大滿足
Post
