燒烤工坊 (Closed)

收工想同朋友食下串燒傾計下，搵到呢係燒烤工房，離佐敦地鐵站出口行五分鐘左右就到。去到時間有啲早，所以餐廳未有食客，不過坐耐左開始有其他食客，就坐滿。我地叫左幾樣串燒加佢個秘製海鮮粉絲。海鮮粉絲係必點，粉絲係好入味，花甲有至少十幾粒，珍寶大蟹柳雖然散散地，不過口感依在，仲有海蝦，海蝦就有兩隻，每隻都成半隻手掌咁大呀，$58抵食。佢個原條茄子都好正，燒到岩岩好，超淋，超入味，超多蒜蓉。另外，佢個雞軟骨都好食，幾爽口同脆。呢三樣都一定要叫。