B-mix 燒肉餐酒館 (Closed)

今日放假同朋友入咗元朗行街睇戲,睇完戲朋友帶咗我去附近搵啲好嘢食。B mix燒肉餐酒館 ,地址元朗鳳攸南街好順利大廈一樓2至3號舖,去到餐廳地方好闊落,裝修得好有日式風情,好似置身於日本一樣,感覺又乾淨又舒適。活宰白鰻魚餐 638元安格斯牛頸脊,牛肉味香濃,有入口即溶嘅感覺加上脂肪分佈均勻,油花味特別香。厚切牛舌,口感爽脆油花分佈均勻,鮮脆多汁非常好食。極上牛五花,肥瘦相間,油脂比較多,牛肉味道更加有層次,口感非常嫩滑。黑豚豬腩,油脂分佈均勻食起來口感細嫩,黑豚肉比普通豬肉肉質更加嫩滑,味道更加香濃。薩摩赤雞髀肉,雞髀肉質嫩滑口感細軟有彈性,雞肉味香濃。活宰白鰻魚,一整條白鰻魚睇到都好非常吸引,鰻魚燒到啱啱好,魚皮燒到金黃色入口脆卜卜,鰻魚肉油脂比較香,魚肉非常嫩滑,加上有啲油花香味,真係一百分。好好食。另外餐跟沙律,白飯,蒜蓉牛油野菌,唐生菜。特大新鮮果茶 68元,果茶真係勁香,入口清涼解渴,非常好飲品。