Video
Read full review
2024-07-09
276 views
平日食嗰幾個course嘅正餐閒閒哋都要二三百，今次嚟到呢間最平$98就可以食到5 course嘅樓上餐廳。餐廳環境好有美式復古感，座位好大好舒適，嘢食賣相都好靚，一於膽粗粗試吓啦！🤤蟹肉石斑魚蛋包飯配忌廉汁 $118一望落去賣相都好唔錯，雞蛋好完美覆蓋成個飯。上面擺咗兩塊石斑魚，側邊冧咗適量忌廉汁。但係比起賣相食落去嘅味道就有啲淡。首先入口食唔到蟹肉味，蛋包飯嘅份量都足夠嘅，但係飯係普通嘅白飯並冇預先調味，而且忌廉汁味道都比較淡。三樣嘢擺埋一齊入口味道就真係唔夠濃啦。石斑魚炸得夠脆不過味道都係比較淡，而且份量得兩嚿比較少。🤤廣島蠔野菌蝦子麵 $128同樣味道都係比較淡，但蝦子麵本身有淡淡嘅鹹味，所以相較起嚟呢個麵都算夠味。雖然有廣島蠔但係份量唔多，而且野菌嘅份量都比較少，味道都係較淡。🤤魷魚圈 （跟餐前菜）魷魚圈應該係即炸嘅，一份有三件，入口熱辣辣而且好脆，一啲都唔冧！🤤雞翼（跟餐前菜）呢款雞翼係單骨雞翼一份有兩隻，所以夾埋其實得一隻雞翼嘅啫，不過外層炸得都幾脆唔油膩，咬落去都仲有少少汁，所以都唔錯。🤤柚子烏龍茶（跟餐飲品）柚子醬嘅份量唔少，撈埋烏龍茶味道都唔錯，酸甜酸甜幾開胃🤤南瓜
🤤蟹肉石斑魚蛋包飯配忌廉汁 $118
一望落去賣相都好唔錯，雞蛋好完美覆蓋成個飯。上面擺咗兩塊石斑魚，側邊冧咗適量忌廉汁。但係比起賣相食落去嘅味道就有啲淡。首先入口食唔到蟹肉味，蛋包飯嘅份量都足夠嘅，但係飯係普通嘅白飯並冇預先調味，而且忌廉汁味道都比較淡。三樣嘢擺埋一齊入口味道就真係唔夠濃啦。石斑魚炸得夠脆不過味道都係比較淡，而且份量得兩嚿比較少。
蟹肉石斑魚蛋包飯配忌廉汁
$118
54 views
0 likes
0 comments
🤤廣島蠔野菌蝦子麵 $128
同樣味道都係比較淡，但蝦子麵本身有淡淡嘅鹹味，所以相較起嚟呢個麵都算夠味。雖然有廣島蠔但係份量唔多，而且野菌嘅份量都比較少，味道都係較淡。
juicy 廣島蠔野菌蝦子麵
$128
10 views
0 likes
0 comments
🤤魷魚圈 （跟餐前菜）
魷魚圈應該係即炸嘅，一份有三件，入口熱辣辣而且好脆，一啲都唔冧！
🤤雞翼（跟餐前菜）
呢款雞翼係單骨雞翼一份有兩隻，所以夾埋其實得一隻雞翼嘅啫，不過外層炸得都幾脆唔油膩，咬落去都仲有少少汁，所以都唔錯。
4 views
0 likes
0 comments
🤤柚子烏龍茶（跟餐飲品）
柚子醬嘅份量唔少，撈埋烏龍茶味道都唔錯，酸甜酸甜幾開胃
柚子烏龍茶
5 views
0 likes
0 comments
🤤南瓜湯 （跟餐）
南瓜湯係偏水狀嗰款，唔係咁creamy。如果可以再濃稠啲，味道再重啲應該會更加好味。
南瓜湯
2 views
0 likes
0 comments
🤤雲呢拿豆腐蛋糕 （跟餐甜品）
呢個蛋糕好特別，入口味道介乎喺雲呢拿同豆腐中間，我哋都唔係好食得出其實係咩嚟。上面仲會有啲蜂蜜，成個combination 入口都幾好味呢個推薦！
雲呢拉豆腐蛋糕
7 views
0 likes
0 comments
總括而言，午市呢個價錢可以食到咁多嘢係超值嘅，而且餐廳環境都好唔錯好啱情侶或者朋友過嚟呢度打卡傾偈，但係食物口味可以再重少少，咁就應該好完美啦！
📍ZipZip (銅鑼灣)
銅鑼灣霎西街28號必發商業大廈1樓
好食指數💗💗💗💕
性價比指數💗💗💗💗
回頭指數💗💗💗💕
推薦指數💗💗💗💗
follow @seriishungry 睇更多00後探店紀錄！
Post
