新記

Open Now

Now Closed

極差！大家唔想受氣既千其咪幫襯！仲要本人未落單已經比佢趕走！超趕客本身經過想嗌份雙拼三文治，成間舖一個伙記。咪好客氣問下佢有幾份三文治（兩份定一份），你知例如茶餐廳有時會一碟兩份三文治，我怕兩份食唔晒，先問下佢，非常客氣：「請問一碟雙拼三文治有幾多份？」。點知佢應都唔應，唔知特登定點，仲要我嗌第2次，先施施然擰個頭過來，仲要串我話一份三文治咪兩塊包皮夾住囉！三文治係咩樣我梗係知，但我傻架？只係問下有幾份姐，因為有點飽，怕兩份太多會食唔晒，浪費地球資源。點知，你呢d服務態度呢d質素就真係浪費地球資源同舖位啦。以禮待人，都會得到咁既遭遇。難怪，望緊餐牌時有一兩個客人都睇緊，但聽到佢咁既態度後都即刻掉頭走。生意係自己既，趕客都係自己攞黎。今時今日既態度點只唔得，仲十分趕客，永無下次。