同撈同煲 (堅拿道西)

Open Now

Now Closed

因為疫情關係，今年少與拍檔食飯，做完嘢之後大家都早咗返屋企，今晚心情大好決定一齊刷餐勁，去食火鍋餐。同撈同煲佈置懷舊，老香港情懷，對於我哋一輩熟男，另有一番情意結。難得相聚，先啤啤。簡簡單單先食咗一個胡椒豬肚少爺雞湯，冇荷爾蒙嘅少爺雞，先食半隻，淨係食豬肚同雞足已飽一半。拍檔是健康主意者，堅持反傳統先食菜，只好遵從。一個極級盛牛大拼盤足夠令兩個人大滿足，包括牛舌、一口雪花牛粒、封門柳、安格斯牛肉及日本飛驒牛，全部切薄片放在冰山上保鮮。無需懷疑，日本飛驒牛可以生食並且最嫩，封門柳最有肉味。