六小館

最近想去啲遠離市區嘅地方行下，就揀咗東涌，逛完商場又可以郊遊一番，都幾好㗎！去到東薈城，當然要行鍾意嘅名店倉啦，不過，首先最緊要係醫飽肚，行經一間門口裝修別緻既餐廳，係我哋想食嘅中菜，咁就入去慢慢享受吓啦。餐廳裝潢雅緻，設計時尚，別具特色，地方寬濶，枱與枱之間感覺唔係太擠迫，無壓迫感，環境潔淨舒適，可遠望戶外景色，令人輕鬆寫意！見到餐牌上款式好特別，有人氣之選既碢燒滴漏雞油鮮野菌燴飯、古法清湯本地新鮮牛雜、功夫吊燒三味脆皮雞、四川水煮系列、湖南干窩系列，以及安格斯牛肉、海鮮、素菜、精品前菜、小館湯羮、泡飯、和牛炒河等，選擇種類多，款款手藝精湛。古法清湯本地新鮮牛雜    $198六小館人氣之選既菜式當然要揀啦，依款係選用每日運來嘅本地牛雜，所以特別新鮮，牛腩味濃郁，口感好鬆軟，牛筋嚼勁十足，牛肚軟嫩有咬口，牛雜同白蘿蔔燉煮入味，湯底清甜不膩，香濃四溢。南瓜嫩雞九層塔    $158日本南瓜連皮食好鬆軟綿甜，入口即化，雞肉口感嫩滑，加入九層塔香料，令雞肉嘅香氣更濃郁，非常美味嘅一道菜。意大利黑醋小排骨    $148排骨炸過後仍保持肉質軟嫩，肉味香濃，每粒排骨都沾滿意大利黑醋，光澤漂亮，