Video
Read full review
2021-04-14
2632 views
話說好耐冇打冷，今日經過呢間打冷店見到門口掛住嘅滷味好似好正，即刻入去試吓。💚 椒鹽鱔球呢個絕對係必點!!! 話說我鍾意食魚但又怕魚骨，所以就問店員有咩推薦，佢推薦我哋嗌呢個椒鹽鱔球，炸得非常香脆但又唔會好油膩，鱔球起咗肉冇乜骨，即使有啲好細嘅骨，食落都完全唔覺，椒鹽分佈得好均勻，完全有一啖特別鹹，加埋炸蒜同椒絲就更加香口，用黎送飯真係一流!!!💚潮洲蠔餅一份有兩大塊蠔餅，蠔餅炸得好香脆，呢個蠔餅唔係有好重蛋味嗰種，而係粉感比較重，蠔仔嘅份量都幾多，每一啖都食到蠔仔，兩個人食就嫌太多，四個人食啱啱好。💚潮式滷水鵝片滷水鵝嘅肥瘦適中，每一塊嘅厚薄都一樣，我片下面有幾舊滷水豆腐，無論係鵝片定豆腐嘅調味都啱啱好，就算唔連飯一齊食都唔會覺得好鹹，可以一啖鵝片一啖啤酒咁食😍💚 潮洲手工芋泥身為一個芋頭控，平時最鍾意飲芋頭鮮奶嘅我，喺打冷店見到呢個咁新奇嘅甜品梗係唔會放過！店員話傳統嘅潮式芋泥會放好多糖同豬油，而呢個係改良版，落咗少咗好多糖同豬油，配合返宜家嘅人嘅口味。第一次食有豬油嘅芋泥，質地非常幼滑，而且口感綿密，估唔到豬油竟然同芋泥咁夾！其實一打開個Menu，見到每一樣野都想食，奈何今次得兩
話說好耐冇打冷，今日經過呢間打冷店見到門口掛住嘅滷味好似好正，即刻入去試吓。
椒鹽鱔球
54 views
0 likes
0 comments
💚 椒鹽鱔球
呢個絕對係必點!!! 話說我鍾意食魚但又怕魚骨，所以就問店員有咩推薦，佢推薦我哋嗌呢個椒鹽鱔球，炸得非常香脆但又唔會好油膩，鱔球起咗肉冇乜骨，即使有啲好細嘅骨，食落都完全唔覺，椒鹽分佈得好均勻，完全有一啖特別鹹，加埋炸蒜同椒絲就更加香口，用黎送飯真係一流!!!
潮洲蠔餅
53 views
0 likes
0 comments
💚潮洲蠔餅
一份有兩大塊蠔餅，蠔餅炸得好香脆，呢個蠔餅唔係有好重蛋味嗰種，而係粉感比較重，蠔仔嘅份量都幾多，每一啖都食到蠔仔，兩個人食就嫌太多，四個人食啱啱好。
潮式滷水鵝片
55 views
0 likes
0 comments
潮式滷水鵝片
37 views
0 likes
0 comments
💚潮式滷水鵝片
滷水鵝嘅肥瘦適中，每一塊嘅厚薄都一樣，我片下面有幾舊滷水豆腐，無論係鵝片定豆腐嘅調味都啱啱好，就算唔連飯一齊食都唔會覺得好鹹，可以一啖鵝片一啖啤酒咁食😍
潮洲手工芋泥
36 views
0 likes
0 comments
💚 潮洲手工芋泥
身為一個芋頭控，平時最鍾意飲芋頭鮮奶嘅我，喺打冷店見到呢個咁新奇嘅甜品梗係唔會放過！店員話傳統嘅潮式芋泥會放好多糖同豬油，而呢個係改良版，落咗少咗好多糖同豬油，配合返宜家嘅人嘅口味。第一次食有豬油嘅芋泥，質地非常幼滑，而且口感綿密，估唔到豬油竟然同芋泥咁夾！
其實一打開個Menu，見到每一樣野都想食，奈何今次得兩個人，叫咗三個餸一個甜品一枝啤酒已經超級飽。呢間打冷店絕對值得再食！不過下次會叫多幾個friend一齊食，咁就可以嗌多幾個餸😋
味道: 🌕🌕🌕🌕🌖
服務: 🌕🌕🌕🌕🌑
價錢: 🌕🌕🌕🌕🌑
環境: 🌕🌕🌕🌕🌑
－－－－－－－－－－－－
📍 陳儀興飯店 (新蒲崗)
新蒲崗崇齡街 40 號地下
－－－－－－－－－－－－
#tiufufoodie在新蒲崗 #hkfoodie #hkfoodlover #食到新蒲崗 #新蒲崗美食 #香港foodie #食好西 #香港食評 #香港食好西 #foodlover #hkig #hkigfoodie #美食 #美食攝影好味 #新蒲崗 #打冷 #滷水 #蠔餅 #打冷店 #潮式打冷
Post
