Forkers (Moved) New Location

好耐無唔試過食飯食得咁開心，因為真係覺得呢間餐廳真係好好食又唔貴，真係好值得推介。呢間餐廳喺土瓜灣，座位唔算多但係裝修乾淨企理，食得好舒服自在。食物方面，首先上既前菜係西班牙黑毛豬拼盤，我地揀左36月熟成既，上菜果時經餐廳老闆介紹得知，拼盤用既伊比利亞黑毛豬係餐廳喺西班牙投資既農場養既豬黎，所以有質素保證，食落都真係好香，有濃厚既橡果甜味，配埋個蒜蓉包食真係無得彈。跟住係香蒜西班牙橡果飼養黑毛豬臘肉腸炒虎蝦，餐廳用上黑毛豬既豬油黎炒，令到虎蝦特別香口特別入味，加上虎蝦本身炒得爽口彈牙，真係好好味！蕃茄湯真係有茄蓉，感覺好fresh。沙律同薯條可以無限refill, 薯條好香黑松露既味道，好香脆。主菜叫左燒濕熟成美國牛肩，牛肩有別於其他部位，特別有口感特別重牛味，慢慢細味更有滋味。西班牙棕毛豬肩胛都係好口感，相比起牛肩呢份豬肩胛較軟，更加入味，一試難忘。最後用上一杯Earl Grey tea同芝士蛋糕做總結。呢餐絕對係我食過其中一餐最好食既西餐之一。