Woods (Closed)

响新世紀行完街，想响附近歇吓腳食 D 嘢，經過呢間食店感覺好舒服，就入去唞番陣。餐廳是以「木」為主題，中間豎立了一顆直上天花板的大樹。先看 drink list，我們各自點了一杯 熱薑蜜 和 熱伯爵茶。熱薑蜜 薑味好濃郁，而 熱伯爵茶 係茶、杯、奶分開上，讓人易於調較適合自己的味道。肉醬意大利粉呢碟意粉有 d 彈口，茄汁唔太酸，肉醬的份量剛剛好。海鮮雜錦薄餅第一次食方形的薄餅，覺得好有趣。餅底個邊夠哂脆口，而且爆多芝士同埋海鮮鋪面，口感很豐富。蘋果脆脆以為它只是一個 apple crumble，點知上枱時仲有一舊呍喱嗱雪糕响面。蘋果脆脆 用匙撥起係好熱辣辣好鬆軟，食落口係甜甜地脆脆地。如果覺得太甜的話，可以撈埋雪糕一齊食，中和到本身的甜味，兩種食法可配合到不同喜好。