Milk Top (Moved) New Location

見到咁多好評慕名而來，雪糕店以Milk命名，初到貴境一於試下牛奶味，但為左另一隻味猶豫左好耐，見到口味不多，想食既生薑同榴槤都欠奉，石榴味下午已經售罄，最後揀左牛奶味、芝士味、士多啤梨味同芒果味。　　　　　　　　牛奶味+芝士味雙球雪糕筒　$28雙球+$1甜筒=$29牛奶味未如理想中香濃，好清淡，食多幾啖麻木左都已經食唔出奶味，要食返啖另一隻味先再食得出牛奶味。芝士味幾特別，但都係略嫌淡左D。雪糕溶得好快，一拎上手就開始溶，商場行左陣已經變奶昔。兩款口味都少甜，心理上好過點。　　　　　　士多啤梨味+芒果味雙球雪糕筒　$28雙球+$1甜筒=$29而另外兩款生果味雪糕比較甜。士多啤梨味雪糕有幾點細細粒疑似果肉，味道有D假，純粹甜味，欠缺水果既清新自然。芒果係相對黎講最好味，軟滑清甜，散發淡淡芒果清香。　雪糕筒無任何香味，得個脆字，令人失望。　總括而言，價錢偏貴，份量一般，質量平平，有選擇都唔會再幫趁。　兩位阿姐可能忙到踢哂腳，服務好到呢，叫佢幾次先聽到，櫃枱又俾好多強國人圍住哂，俾錢都要排除萬難。