珍妮曲奇 (Moved) New Location

jenny曲奇餅無論係中台，甚至外國的遊客都識得買黎食，因為實在太有代表性了，試過咁多國家嘅曲奇餅，香港呢一款曲奇餅簡直係香港嘅手信。有時經過呢間鋪如果冇人排隊嘅話我都會買返一兩罐，今次試一試八味果仁曲奇餅。Jenny嘅曲奇餅盒每一期都會唔同嘅，而且都以熊仔為主角，每一個曲奇餅盒圖案都好精緻，所以我都見有啲朋友特登儲佢啲曲奇餅罐。曲奇餅一共有兩層，一打開已經有好香既牛油味。有八隻口味，例如開心果、合桃、果仁、朱古力、榛子等等。果仁都平均包裹喺每一塊曲奇裡面，絕對冇偷工減料，而且食落去好香，食幾塊已經有啲飽飽地。不過我始終最鍾意食4mix唧花曲奇餅多啲。