Wendy鮮果禮品樂園

Open Now

Now Closed

記得中四開始，唔想食學校頹飯又想平平地食好食嘅lunch，就會去呢間果汁店買飛碟餐。到宜家出左嚟做野，眼見鰂魚涌嘅小店全部變哂貴價食店，而呢間店嘅餐咁多年嚟都維持住平民價，算係少有嘅良心食店。咸牛肉芝士飛碟加五青汁 ($25)咁多款包同餡，最鐘意都係咸牛肉同芝士嘅配搭，飛碟即叫即整，所以每次食落口都熱辣辣。因為鐘意西芹味，叫親都係五青汁，健康又好飲。加埋都係25蚊，食得飽肚又平。其實仲有好多款揀，但係最鐘情都係飛碟餐，其他都未試過。如果行經太古坊又想平食，可以試下呢間。