屋喔 (Closed)

先前聽同事講呢間食lunch都ok, 所以見今日唔齊人，得2個人，就試下呢間。係門口等咗20分鐘先有枱，快快叫2個set lunch等食。餐廳分2層，裝修簡潔，但見侍應生要攞住啲餐，嘢飲同碗碟走上走落，睇見都覺得危險。雖然啲女侍應著住條熱褲啫，咁樣走嚟走去都真係替佢哋辛苦。2個人叫咗雞扒肉燥飯同排骨肉燥飯再跟2杯熱薑茶。熱薑茶先上，好有”驚“喜，竟然攞個似果jam樽嘅容器來放熱飲，冇杯耳冇隔熱，點拎呀！凍飲就話啫再嚟嘅肉燥飯係用有耳鋁煲盛載，好似露營果款咁，又似飯堂分飯嘅容器(好醜樣)，個飯冇熱飲咁熱但反而用有耳容器(好難明)。整體嚟講，口味尚可以接受，只係略嫌鹹咗少少，杯薑茶就淡咗少少。 至於餐具，見人見至，我就唔太喜歡另外，餐廳除咗加一外，仲會進埋位，唔會蝕底俾你。