Video
Read full review
2008-03-24
133 views
上網收過風，知道呢間野風評麻麻，不過由於過往經驗，惡意中傷、膳稿比比皆是，因此姑且抱住一試無妨心態試！點知此言非虛...名符其實：很「大」個招牌，等了很「久」，「保」證唔會再！首先，一去到要排隊入座，算，冇人指示，算，零service，算。最命係出出得超慢，揀直不能夠接受，理論上呢類日式放題，其實所有野都整好哂，有order就拎出！但成班堂食入哂飛，等成半個鐘居然只係得兩碗用熱水開，要自己攪「宏」o既麵豉湯！！你話好多單入都算！我忍，但冇理由入面坐房果o的，佢地o既食物就沿沿不絕咁送上。又壽司、又燒物。我地呢堂食，尤其是我同隔離張，就等成十幾分鐘至有一兩樣！仲要係唔齊，明明寫2碗冷麵，就變一碗或者o黎o的唔知乜鬼但又從來冇叫o既手卷！就算你當我填錯填多，我計過入3次飛，每張可以有3款食物，理論上我應該上了27樣！！但實情呢？由頭到尾上o既菜式一半都冇(仲要係有重覆)，但附近同坐房果批就一盤又一盤！叫佢追單！又話緊，如果唔係因為朋友唔太精神，真係好想xyz佢！好啦！出菜亂龍都算！最慘係o的食物份量少得可憐！o的炸物(如天婦羅)，一舊切四件，小得可以用豉油碟裝唒！而串燒就全部都係凍食！？至
首先，一去到要排隊入座，算，冇人指示，算，零service，算。最命係出出得超慢，揀直不能夠接受，理論上呢類日式放題，其實所有野都整好哂，有order就拎出！但成班堂食入哂飛，等成半個鐘居然只係得兩碗用熱水開，要自己攪「宏」o既麵豉湯！！你話好多單入都算！我忍，但冇理由入面坐房果o的，佢地o既食物就沿沿不絕咁送上。又壽司、又燒物。我地呢堂食，尤其是我同隔離張，就等成十幾分鐘至有一兩樣！仲要係唔齊，明明寫2碗冷麵，就變一碗或者o黎o的唔知乜鬼但又從來冇叫o既手卷！
就算你當我填錯填多，我計過入3次飛，每張可以有3款食物，理論上我應該上了27樣！！但實情呢？由頭到尾上o既菜式一半都冇(仲要係有重覆)，但附近同坐房果批就一盤又一盤！叫佢追單！又話緊，如果唔係因為朋友唔太精神，真係好想xyz佢！
好啦！出菜亂龍都算！最慘係o的食物份量少得可憐！o的炸物(如天婦羅)，一舊切四件，小得可以用豉油碟裝唒！而串燒就全部都係凍食！？至於湯麵，好難想食呢間係食日本菜o既食店，o的拉麵發到好似食布甸咁，最搞笑係明明要吉列豬扒拉麵，麵差都算，最慘係湯又冇味(滾水)，豬扒又係細得可憐(得兩條)，咁呢又點解釋！至於壽司，好懷疑自己係咪食緊咸魚壽司，件件壽司上面o既魚肉好似全部都風乾過咁，乾到冇汁冇味，加埋凍到出水o既飯，wow...真係唔俾個服字佢都唔得！！
最後，都係講番出菜問題，唔好諗住有得食就好幸褔，佢地雖然好pro咁用電腦入單，但o的根本就唔知點出，明明廚房出，但可能傳菜o既拎到出o黎，個侍應認為你呢剛剛食過，佢隨時可以截番佢，拎俾其它等到講粗口o既客，又或者送錯有客唔要，就求其睇邊個客想食就直接放落去！咁o既做法都係第一次見。就算係埋單啦！諗住叫佢check有幾多野未...佢可以一邊同你講話仲有一樣未o黎，然後準備收錢，但轉頭就有個阿姐一次過放四、五碟俾你！咁即係想點！！
食得果個零鐘！(未扣等果成個鐘)唔拖唔水，一向以來，我都深明一分錢一分貨！但咁樣o既service、咁樣o既食物質素！真係世間少有！！就算最差o既「看羊丸」或者「明象」都只少食得我飽飽！呢間野，我保證會badlist佢！睇佢幾時執！！
Post