Video
Read full review
2018-04-16
69 views
一直都好鍾意食烤魚，openrice搵到呢間好似算係幾多好評，就心癮起嘗試吓。餐廳唔算好大間。又好似自修室咁樣嘅間隔。見佢價錢唔係話特別抵食，就揀咗食銅魚。飲品叫咗菊花薑檸蜜，第一次飲呢隻味嘅特飲，味道稍為甜，但幾特別，薑味好夾，就算配麻辣烤魚都唔會覺得更加辣。前菜有涼拌麻辣豆芽，芝麻醬沙律。涼拌麻辣豆芽夠風味，麻辣而且花椒味十足，但係稍為鹹。終於嚟到主角，我哋叫咗鐵魚麻辣烤魚(江團魚)，因為會越煮越辣，所以小辣都好夠啦。配料好夠，芫荽芽菜金菇洋蔥夠新鮮，特別係芽菜夠脹卜卜夠甜。烤魚初初食唔覺得好辣，食到嘅比較多係魚本身嘅味。條魚有手臂咁長，魚夠肥美，多肉，新鮮。條魚先煎過，魚皮好香口。個人接受到魚腥，但朋友比較抗拒食腥嘅魚，就話一開始未入味有魚腥味。不過慢慢滲入麻辣嘅味道，就津津有味了。亦都因為湯越煮越濃，越食越麻，感覺超過癮。最貼心嘅係有隔油匙羹，啱晒我呢啲又鍾意食嘢又怕肥嘅人，減低啲罪惡感。配料新鮮，有白蘿蔔鮮冬菇金針菇生菜。肉類係唔淨止咁多嘅，不過掛住食唔記得左影相。牛肉脂肪比例唔錯，豚肉就略為肥，雲吞普通，蟹籽丸係朋友叫嘅，我個人就唔係太喜歡裏面嘅芥末味。牛舌少韌。最後兩人食
餐廳唔算好大間。
又好似自修室咁樣嘅間隔。
見佢價錢唔係話特別抵食，就揀咗食銅魚。
飲品叫咗菊花薑檸蜜，第一次飲呢隻味嘅特飲，味道稍為甜，但幾特別，薑味好夾，就算配麻辣烤魚都唔會覺得更加辣。
前菜有涼拌麻辣豆芽，芝麻醬沙律。涼拌麻辣豆芽夠風味，麻辣而且花椒味十足，但係稍為鹹。
終於嚟到主角，我哋叫咗鐵魚麻辣烤魚(江團魚)，因為會越煮越辣，所以小辣都好夠啦。
配料好夠，芫荽芽菜金菇洋蔥夠新鮮，特別係芽菜夠脹卜卜夠甜。
烤魚初初食唔覺得好辣，食到嘅比較多係魚本身嘅味。條魚有手臂咁長，魚夠肥美，多肉，新鮮。條魚先煎過，魚皮好香口。個人接受到魚腥，但朋友比較抗拒食腥嘅魚，就話一開始未入味有魚腥味。不過慢慢滲入麻辣嘅味道，就津津有味了。亦都因為湯越煮越濃，越食越麻，感覺超過癮。最貼心嘅係有隔油匙羹，啱晒我呢啲又鍾意食嘢又怕肥嘅人，減低啲罪惡感。
配料新鮮，有白蘿蔔鮮冬菇金針菇生菜。
肉類係唔淨止咁多嘅，不過掛住食唔記得左影相。牛肉脂肪比例唔錯，豚肉就略為肥，雲吞普通，蟹籽丸係朋友叫嘅，我個人就唔係太喜歡裏面嘅芥末味。牛舌少韌。
最後兩人食咗＄436。
Post
