花斑茶社 (海之戀商場) (Closed)

花斑茶社都幾多分店，平時都會幫襯買一杯水果茶飲下。因為鍾意飲佢嘅茶底，係100%台灣入口嘅靚茶。見佢有新產品，「春果好茶」二款包括完熟蘋果冰茶同埋清爽青葡萄烏龍。佢最大嘅賣點就係茶底下便嘅果肉，好鬼多粒粒分明。我飲呢杯清爽青葡萄鳥龍，烏龍味非常突出，回甘之後又feel到提子嘅香味。飲管一吸，淡淡提子果肉喺個口嗰度，消暑一流。另一款新產品係泰式奶茶，我就叫一杯泰茶芝士奶蓋。泰式奶茶嘅香味就大家都知，佢哋嘅泰式奶茶茶底都好滑。加埋面頭鹹鹹地嘅芝士奶蓋真係一絕。喺出邊好似暫時未見到呢款fusion嘅泰式奶茶。