太爺雞 (Closed)

見打正"鎮店"旗號咁有主題，女友又鍾意食雞，就嚟會一會太爺~鎮店太爺雞(半隻) - 的確唔錯。所有部位都夠熟而嫩口，難得，而且唔會大舊肥油。味道就係豉油雞嘅味道，夠味。哩個的確夠份量做招牌菜~太爺猪手 - 又係推介之一。大部份猪手起咗骨，啖啖肉，爽脆，麻而不辣，非常討好~西蘭花沙拉蝦球 - 麻麻地。啲沙律醬太多而且好似就咁撈埋啲蝦球度就淋上啲西蘭花度，完全唔覺惹味。豉汁蒸倉魚 - 味道正常，但細條得緊要。後記 - 雖然除咗招牌嗰兩味之外普普通通，但雞同猪手都百食不厭，會再嚟試下其他雞同餸菜。