燒味滷師 (安發大廈)

Open Now

Now Closed

今日約左一大班屋企人食飯，因為唔想煮得咁辛苦，我就去左呢間燒味店斬料加餸呢間燒味店係長沙灣應該都幾出名，因為長期都大排長龍，有別於傳統既鋪頭，佢門面相當乾淨，所以燒味都掛係廚窗，真係抵讚！而且款式多多，啱晒我可以慢慢揀！買左三樣野：燒鵝半隻：外皮超級脆！肉質都好嫩滑，食到我舔舔脷！而重點係佢既秘製燒鵝汁，加埋一齊食完全提升燒鵝嘅層次，可以媲美米之蓮級嘅燒鵝🙈叉燒半斤：又係要讚一讚佢嘅醬汁味道，好襯舊叉燒🤩我哋屋企人就傾向食瘦叉燒，一樣咁好味😋麻辣手撕雞：嘩！呢個超級無敵正！辣味剛剛好，又勁有麻油香😆而且分量十足，好似食極都仲好咁，好抵食❤️今餐飯加料加得好爽呢👻