Video
Read full review
2009-06-18
13 views
突然同班同事好想打邊邊, 但去開幾間都食到厭厭地~ 呢個時候就openrice 搵搵邊度有好地方, 結果就搵左呢間 ----- 老三火鍋點解會簡呢間呢? 最主要原因都係佢個鴨湯湯底, 可以飲完湯再打邊爐, 都幾新奇~老實講, 呢間火鍋店位置都幾僻, 唔識行都幾難搵到~ 亦可能係咁, 我地去到時都冇咩人!廢話少講, 即刻講下我地點左咩食先~鴨湯湯底 (半隻) : 我地4個入叫左半隻鴨湯底, 初以都諗住未必夠, 但黎到又真係幾大鍋, 每人應該可以飲到2碗湯先開波~~ 個湯底好重鴨味, 好香, 不過咸左少少, 但都可以接受!飲完湯後, waiter姐姐幫我地加返d豬骨湯落去, 就開始打邊邊啦!! 我地當晚叫左 :安格斯肥牛 : 好肥好有雪花好大碟, 完全同佢個價錢($98)唔成比例!! 入只鬆軟, 脂肪味濃, 但牛味就少d, 可能始終係雪藏掛~~ 不過我都覺得好好食啦, 比起出面賣$1xx的有過之而無不及!手切肥牛 : 同安格斯一樣咁大碟, 不過牛肉就少d肥o既部份, 但入口出奇地唔"un"仲好有牛味~ 我覺得正過安格斯呀! 價錢又係好抵 ($128)醉雞丸 : 聽講係招牌料之一, 諗住冇死
點解會簡呢間呢? 最主要原因都係佢個鴨湯湯底, 可以飲完湯再打邊爐, 都幾新奇~
老實講, 呢間火鍋店位置都幾僻, 唔識行都幾難搵到~ 亦可能係咁, 我地去到時都冇咩人!
廢話少講, 即刻講下我地點左咩食先~
鴨湯湯底 (半隻) : 我地4個入叫左半隻鴨湯底, 初以都諗住未必夠, 但黎到又真係幾大鍋, 每人應該可以飲到2碗湯先開波~~ 個湯底好重鴨味, 好香, 不過咸左少少, 但都可以接受!
飲完湯後, waiter姐姐幫我地加返d豬骨湯落去, 就開始打邊邊啦!! 我地當晚叫左 :
安格斯肥牛 : 好肥好有雪花好大碟, 完全同佢個價錢($98)唔成比例!! 入只鬆軟, 脂肪味濃, 但牛味就少d, 可能始終係雪藏掛~~ 不過我都覺得好好食啦, 比起出面賣$1xx的有過之而無不
及!
手切肥牛 : 同安格斯一樣咁大碟, 不過牛肉就少d肥o既部份, 但入口出奇地唔"un"仲好有牛味~ 我覺得正過安格斯呀! 價錢又係好抵 ($128)
醉雞丸 : 聽講係招牌料之一, 諗住冇死, 試過後發現味道一般, 冇咩酒味, 雞味都有少少, 普通!
招牌餃 : 個名改到咁, 應該唔死得人. 果然唔錯, 細細粒, 入面有蔥有九菜有豬肉, 幾香口
筒蠔 : 大大隻, 好鮮味, 無得頂!
蝦丸 : 呢隻蝦丸外面有蝦肉, 好香蝦味, 入面有蟹子同咸蛋黃, 呢碟野我同班同事搶住黎食, 推介!
牛舌 : 切得好薄, 拖2拖水就食, 好鮮好正呀~
牛心頂 : 初時食都唔知咩黎, 好爽好脆, 有d牛油味, 後尾請教另一朋友先知道係一層蓋係牛肉上面既脂肪, 屬下欄野, 不過唔係度度有, 鐘意食肥膏人事必試~
烏魚扣 : 聽人講係烏頭既胃.........我都唔知係咩黎, 只知道每條魚得一個, 灼熟左口感好似雞腎咁, 同埋唔係度度有~~ 都係推介之一
稻庭麵 : 好似日本手打既稻庭烏冬, 待應姐姐教我地拖一拖就好食, 但跟佢方法整出黎........口感好似上海麵咁, 但反而淥耐d就仲彈牙..........奇怪, 但都幾好味!
烏冬面 : 不得不提呢度個烏冬面, 係日本運黎架~~ 佢出黎個時雪到成舊雪咁!! 不過唔好鬧住, 一落水煮下就散, 一散就好夾啦~~又彈牙又香, 同平時香港d 噹x烏冬冇得比~
仲有叫其他普通火鍋料, 不過太長唔講啦~~
最後, 不得不提呢度既務服,可能當時唔太多人, 服務好好, order好快上, 冇漏單, d野黎到會教下你點淥, 同埋不時會幫你"不"走鍋入面d泡泡, 我係香港食火鍋咁耐, 都未遇到間會咁做的, 抵讚!! 同埋呢度8:00後會有85折, 呢段時間會多人d~ 但抵好多 下次都會擇呢段時間再幫襯!!
Post
