快靚正燒味粉麵茶餐廳 (Closed)

市面好多快餐店、燒味店貨源一般是攞貨售賣，新唔新鮮、肉質靚唔靚、餣得好唔好都無法穩定控制，但深水埗呢間開業十幾年的快靚正燒味茶餐廳，於元朗自設廠房燒製燒味，一手一腳由買貨餣製燒烤至售賣都是親力親為，可見餐廳對燒味的認真同執著。快靚正茶餐廳位於西九龍廣場附近，燒味可以斬料外帶亦可以選擇堂食，堂食就有更多粉面飯供選擇，真係明符其實快靚正就可以醫飽個肚，而且仲非常抵食！今日一家人開飯，買左半隻燒鵝、一斤乳豬同半斤叉燒，燒鵝本身大隻，肉質非常嫩滑而且肉汁juicy，肥美的外皮非常甘香，配埋酸梅醬，啖啖肉好好味！$190/半隻乳豬皮非常脆口，餣製入味，$175/1斤，非常抵食，又新鮮，熱辣辣忍唔住偷食，開飯時已經無左半盒，好好味！不得不提半肥瘦叉燒，肥肉剛剛好不會太多，餣製入味，肉質新鮮唔會鞋唔會硬，重點是全部熱騰騰的，回到家仍有餘溫，即刻開飯趁熱食，非常味美。燒味又何止以上三款呢，仲有燒乳鴿、燒腩仔、燒鴨等等，經過深水埗值得考慮斬料之選。