OH MY GOOSE! (Closed)

夜晚無飯開又唔想落街食，老豆落街買了燒味飯返尼一齊食。這間在朗豪坊的燒味店，四十幾蚊一個飯盒，比樓下燒味檔貴少少，但勝在夠乾淨。外賣盒是可以翻叮循環再用，非常環保。燒鵝脾飯每日限量發售，本來想同老豆一人一個，可惜只剩最後一個，鵝脾肉厚嫩滑，一咬入去鵝汁滲出，充滿油脂香味，最重要係啖啖肉。暗然銷魂飯比較乾身，叉燒顏色呈深紅色，燒得較乾，味道不及燒鵝。本來叫了兩個飯，但見佢比較細盒，所以叫多盒，多個餸食下，切雞飯雞肉嫩滑有雞味，不過薑蓉比較油，有點油浸飯既感覺。