Video
Read full review
2017-09-10
775 views
同好友慶祝生日，一行三人喺平日夜晚到訪The Live House。間餐廳原來喺地庫，平日行開都冇留意。餐廳入面係酒吧格局，好暗下，七點半去到都坐左八成枱，氣氛唔錯。三人共叫左黑松露蜜糖雞翼、帶子黑松露意大利飯同埋德國豬手，同埋三杯野飲，原本打算唔夠食先再添。雞翼好香口，沾滿蜜糖同埋黑松露汁，好食，但係得六隻，唔係好夠喉。帶子黑松露意大利飯都好食，飯嘅質地好，唔會太淋或者太硬，每口都沾滿汁。德國豬手份量好大，三個女仔只係食左一行，其他都打包晒。豬手皮脆肉多，不過好漏，食左三件已經食唔落。最後加多個心太軟甜品，一早訂左寫朋友名，所以冇得用鐵板上，改用碟上。蛋糕上面插左火花蠟燭，好有氣氛。我地唱完生日歌後發現其他好多枱都係黎食生日飯！注意嘅係環境好嘈，好大聲咁講左成晚野第二日喉嚨痛
黑松露蜜糖雞翼
15 views
2 likes
0 comments
雞翼好香口，沾滿蜜糖同埋黑松露汁，好食，但係得六隻，唔係好夠喉。
帶子黑松露意大利飯
13 views
0 likes
0 comments
帶子黑松露意大利飯都好食，飯嘅質地好，唔會太淋或者太硬，每口都沾滿汁。
德國豬手
44 views
0 likes
0 comments
德國豬手份量好大，三個女仔只係食左一行，其他都打包晒。豬手皮脆肉多，不過好漏，食左三件已經食唔落。最後加多個心太軟甜品，一早訂左寫朋友名，所以冇得用鐵板上，改用碟上。蛋糕上面插左火花蠟燭，好有氣氛。我地唱完生日歌後發現其他好多枱都係黎食生日飯！注意嘅係環境好嘈，好大聲咁講左成晚野第二日喉嚨痛
Post
