和居和居 (Moved) New Location

誤打誤撞入咗去，見裝修舊舊哋，似係做咗多年嘅居酒屋。星期一晚通常少人，佢偏偏就有好幾枱客，仲同師傅有講有笑，應該係熟客仔。Menu勁多選擇，我同bae都睇到呆晒，上至魚生壽司🍣下至漬物串燒🍢炸物🍤拉麵🍜炒飯🍲都有，真係勁！星期一Monday blues，同bae嗌咗支sake歎下，唔錯🍶。先上帶子同海膽，帶子好靚海膽有幾隻些少苦，不過整體都ok，但紫菜就淋咗啲。炸小池魚，香口唔會好油膩，幾好食！燒牛利，厚身，正常。燒蠔，甘香，ok。雞翼，正常。芝士雞肉，幾好。日式炒飯，不錯。整體我覺得魚生幾好，其他嘢正常，唔會話好特別。