Video
Read full review
2010-07-21
65 views
上星期三師傅再次同好友食家"乜都放入窿"飯局, 由於事前好友食家"乜都放入窿"已問師傅食咩, 而師傅就話呢間食店好友食家"乜都放入窿"就讚左好多次, 奈何師傅仍未有機會一試, 於是就約定當天飯局就黎呢間食店!兩位食家大約六點半就喺老尖集合後, 齊齊邊傾邊行, 去到食店前再望入去, 裡面食客真的不少, 而當時都未夠七點, 可想而知呢間食店有幾架勢; 幸好入到去都仲有位, 兩位食家坐底後, 就開始度下食咩好; 師傅由於未黎過, 所以點菜責任就由好友食家"乜都放入窿"全權負責! 最後柯打左羊肉卡巴, 芝士薯條同埋蝦炒飯, 飲品師傅就要杧果奶昔, 而好友食家"乜都放入窿"就要咸奶昔! 師傅見而好友食家"乜都放入窿"柯打左三樣野食, 到底夠唔夠架, 不過唔緊要, 唔夠最多加單, 好過食唔晒! 於是等左一陣, 兩杯奶昔率先登場, 師傅當然要試下杧果奶昔, 杧果奶昔嘅杧果夠香, 而味道唔會太甜, 奶昔入口唔黏口, 飲完後個口感依然好舒服, 真係十分可口, 淨係呢杯杧果奶昔都真係唔少野, 有水準!嘆過奶昔後, 第一係登場嘅食物係芝士薯條, 當芝士薯條一放底後, 個伙計就話呢份芝士薯條最好喺兩分半之內食
兩位食家大約六點半就喺老尖集合後, 齊齊邊傾邊行, 去到食店前再望入去, 裡面食客真的不少, 而當時都未夠七點, 可想而知呢間食店有幾架勢; 幸好入到去都仲有位, 兩位食家坐底後, 就開始度下食咩好; 師傅由於未黎過, 所以點菜責任就由好友食家"乜都放入窿"全權負責!
最後柯打左羊肉卡巴, 芝士薯條同埋蝦炒飯, 飲品師傅就要杧果奶昔, 而好友食家"乜都放入窿"就要咸奶昔! 師傅見而好友食家"乜都放入窿"柯打左三樣野食, 到底夠唔夠架, 不過唔緊要, 唔夠最多加單, 好過食唔晒! 於是等左一陣, 兩杯奶昔率先登場, 師傅當然要試下杧果奶昔, 杧果奶昔嘅杧果夠香, 而味道唔會太甜, 奶昔入口唔黏口, 飲完後個口感依然好舒服, 真係十分可口, 淨係呢杯杧果奶昔都真係唔少野, 有水準!
嘆過奶昔後, 第一係登場嘅食物係芝士薯條, 當芝士薯條一放底後, 個伙計就話呢份芝士薯條最好喺兩分半之內食晒, 就係最好味; 當下感覺令師傅覺得十分窩心, 連食嘅過程時間都照顧到, 於是立即同好友食家"乜都放入窿"開餐; 芝士薯條嘅芝士十分之香, 但味道唔太濃, 而且入口唔膩, 唔會話食左兩件就開始唔想食, 加上薯條嘅薯味甚香, 最特別係吞下薯條後, 會有少少辣味由喉嚨湧上黎, 呢個感覺係十分之頂癮, 令師傅有欲罷不能嘅感覺! 最後雖然未能於兩分半完成, 但亦無損芝士薯條嘅風味, 絕對係必食推介!
而羊肉卡巴同蝦炒飯就一齊登場, 於是就齊齊試下羊肉卡巴, 唔講唔知, 原來好友食家"乜都放入窿"黎左咁多次但通常都係食雞肉卡巴, 雖然師傅知道好友食家"乜都放入窿"係食羊肉, 但點解會冇食過羊肉卡巴呢? 莫非要同師傅一齊分享? 當師傅一試羊肉卡巴後, 感覺係一試難忘, 卡巴係用一塊餅皮包住羊肉同埋醬汁烘焗而成, 入口後發覺羊肉十分鬆軟, 而羊酥味亦非常酥香, 絕對唔韌, 真係好正呀, 鍾意食羊嘅朋友千萬唔好錯過; 而醬汁帶少少辣, 辣辣地就十分啱師傅胃口; 而外面嘅餅皮亦唔硬身, 配合埋羊肉同醬汁真的一絕; 呢個羊肉卡巴亦一定係必食推介!
至於蝦炒飯相比下就略為失色, 但就真係略為, 蝦炒飯係用印度嘅米炒成, 飯炒成一粒粒十分爽口, 有少少咖喱味, 香但唔辣, 而蝦身真十分大隻, 大隻得黎仲要十分爽口, 整碟炒飯絕對唔錯; 只可惜之前師傅食到更高水準嘅食物先會覺得略為失色!
總括黎講食物水準絕對出色, 環境雖然細小, 但唔逼挾, 而服務友善, 就算食飽亦冇趕客嘅跡象, 價錢都接受到, 埋單二百五十幾, 每人一舊水到, 絕對抵食! 食到一半師傅再望下門口, 發現又出現左一條小蛇餅, 呢間食店真係唔少料, 師傅試完後亦十分佩服; 離開食店再望下隻錶, 當時只不過係七點四十五分咋, 但師傅已經食到捧住個肚, 呢間架勢堂真的做到快, 靚, 正! 師傅有機會一定會再黎, 笑臉必定要比!
Post
