Moreish & Malt (鴻圖道) (Closed)

其實未被某網媒賣廣告之前都食過幾次，見到廣告即刻仆黎食多次先，我諗之後就會勁多人。未坐低就放低咗個番茄香草包俾埋橄欖油同意大利醋俾你點，麵包好軟。今次食咗個夜晚二人套餐包兩個是日餐湯今日係薯蓉忌廉湯，食到啲粒粒嘅薯仔粒入口沙沙既感覺一個雜菜沙律，菜嘅種類都OK多份量相當大，汁唔係普通黑醋橄欖油汁仲溝左啲蜜糖甜甜地幾開胃主菜牛扒同烤豬肋骨之間選左豬肋骨，估唔到都幾大份至少有10條骨，豬肉都林燒得唔算乾身，燒汁多包住肉保留到啲肉汁，配粗薯條但普通。同埋carbonara，佢唔用即食煙肉片粒粒，係成舊煙肉切粒，不過大粒左啲有啲硬，不過就香口好多。個汁濃食落唔漏啲細蔥粒簡直係神來之筆仲係happy hour就叫咗買一送一啤酒都幾抵飲。周圍都多左鬼佬飲酒吹水。是日埋單500，質素OK但係就有啲嘈，晏晝嚟就好hea啲。