博派麵館 (Closed)

星期五晚同同事OT後一齊行去車站，路經此地見有個機械人企左係度，咁得意又走埋去八卦下，原來係麵館黎，餓餓地食碗粉都好喎。會閃燈的，吸引不少小朋友合照店內很光猛，感覺乾淨，冷氣十足。坐低後店員隨即送上水，枱上有調味格，餐具篩外，仲有個很吸睛的機械人頭，估下係咩黎…?哈哈，係特辣的辣椒醬，只試了一點，真的很辣隔離枱的小孩係咁話個地球好靚要影相，哈哈。牆身確實好特別，仲會閃爍㗎～鹹菜豬肚湯米粉（$58）同事叫了呢味，雖然係叫鹹菜豬肚，但除左豬肚外，仲有豬肉片同豬潤，各樣都有好幾片，加上米粉給得不少，滿滿一碗好飽的。湯底有濃濃的鹹菜味，但不是死鹹，很不錯，我見同事幾乎喝光了。豬軟骨豬腸湯米粉（$58）自己點了呢樣，餸同粉分開上，不怕浸走哂啲味啦大腸同豬軟骨都好入味，豬腸煙韌得黎又爽口，豬軟骨很軟腍易食，中間的軟骨部份亦很易咬碎，口感很不錯。湯底很清甜，一點都不油膩。同樣點了米粉，好大碗呀，仲有幾條青菜同幾片菇，有誠意脆炸珍珠奶茶（$32）見咁得意又叫黎試試，一客有四件。珍珠奶茶味道香濃微甜，不少珍珠有咬口，得意又好味喎。汽水（$7/ea）食完麵又點了野飲，有各款汽水，紙包飲品，同樽裝飲品，哈哈