柳氏家 (Closed)

話說今日中午就同女友人經過沙田新城市廣場行街街，經過呢間餐廳的門口，離遠望已經好多人，趁有時間就諗住試下呢個韓國過江龍鐵板炒雞係咪真係咁堅！結果，我們等左一個鐘到，終於有得入魯。我地最後揀左90分鐘放題個個。識食當然揀招牌柳氏家炒辣雞啦，同配左個麵，雙倍份量左年糕。如果係芝士迷都可以加錢落芝士架。係鐵板雞黎之前，就梗係食住放題式的前菜啦，有炆牛腩，炸雞，年糕，泡菜等等，其中最好食既係炸魷魚！！！主角登場，當然就係最令人期待的鐵板雞，貼心之處廚師幫你炒埋，唔使驚自己炒得難食。 鐵板辣炒雞無我想像中咁辣，都可以接受。食落都好惹味，雞炒得好香口，肉質鮮嫩多汁，配上炒麵，口感更突出，仲有好多年糕同埋韓式炒白菜，一定飽肚。唯一美中不足係個份量真係太多，食極都唔知點解仲有去到尾，有小小滯。最後，甜品方面都係放題架，有任囉雪糕同埋蛋糕仔。值得一讚的是雪糕全部都是自家製的，小弟食個個呢係雲尼拿味，甜度剛剛好。女友人食個個係朱古力味，表示都好味但略嫌朱古力味不足。結論係雖然呢間餐廳排曬長龍，但都值得一試，不過建議中午來吃。