營豐海南雞專門店 (柴灣道)

Open Now

Now Closed

營豐海南雞飯專門店喺柴灣開咗一排，有時經過都見到好多人排隊買飯盒，老公都買過嚟食，但係我就未試過。今晚得我同囡囡喺屋企懶煮飯，就落街買海南雞飯加一塊煎豬扒。六點行到舖頭，已經要排隊，好彩排幾個就可以落單，大約等5至10分鐘就攞到外賣。外賣店門口個易拉架，見到原來午飯時候，呢度一個飯先30蚊，真係好抵，下次晏晝唔知食乜，又可以嚟買個飯盒。返到屋企個飯盒仲係熱辣辣，去骨海南雞飯仲會送一碗例湯或者一罐汽水，我就揀咗湯，係紅青蘿蔔湯。味道唔錯，清清地。去骨海南雞真係好滑，有驚喜，而且雞味濃郁， 真心唔錯。油飯分量好多，夠曬同囡囡一齊分，而且黃薑味好香。煎豬扒香口唔會太乾，好juicy，送飯食唔錯，下次再嚟買半隻海南雞加餸。