PB Cafe (Closed)

居住在柴灣區20多年，真係冇乜有水準同價錢合理嘅良心西餐，跟着佢張傳單入咗黎試，散叫每道菜已經包捨埋自助沙律吧，$48任食自助沙律吧的確係健康又驚喜，新鮮沙律菜嘅種類配料繁多，紅葉生菜，羽衣甘藍，火箭菜，芥茉水菜⋯等等都不定時提供，鴨胸肉涼拌長通粉，十分醒胃，餐湯蘑菇湯非常濃郁，粒粒蘑菇，口感十足，主菜方面薄餅有點油膩一件起兩件止，卡邦尼意粉份量好足，而燒安格斯西冷order 4成感覺好似over，西冷嘅份量比較少，意式蕃茄汁青口意大利麵，配搭唔錯，美國安格斯芝士漢堡，肉質鮮嫩多汁，心機之作，最後記得食返啲水果balance返，同埋希望主菜可以小油一啲，就更加健康，環境座位方面算係舒適，但唯一美中不足就係冷氣不足，一路食一路冒汗，服務方面稱心，服務員收碟幾有效率，不小心倒瀉飲品，迅速連忙清理，和主動詢問枱上嘅剩餘食物有冇需要幫你包起佢，相當貼心，還有定時增添沙津吧食材和清潔，值得一讚👍🏻