耀東號 (Closed)

這裡一早聽聞，雖然住係柴灣，但係一路都未試過。十點先收工，未食野，架車經過這裡，又見到呢到，就落車食埋先返去。來這裡要的當然係名物豬扒，時間都唔早，唔要飯，要炒烏冬。即叫即炒，得三幾枱客，都等左一節電視劇先有得食，慢工出細貨，炸野需時，我明既。上碟見豬扒得幾舊，好似真係少了點。先試豬扒，豬扒薄身，炸得夠乾身，水準不錯的，大食既我，係覺得少了點，睇黎下次要加份淨豬扒。烏冬炒得不錯，上色均勻，港式應有既獲氣，穩陣。跟餐要左杯凍奶茶，茶味唔見影，奶味就十足，要補返罐汽水先滿意。小店一間，$34蚊豬扒炒烏冬，凍飲加七蚊，係柴灣收這個價錢，係有d野。