Video
Read full review
2016-05-24
3097 views
飲咖啡既文化係香港真係愈黎愈盛行而Coffee shop都因此愈開愈多雖然點為之一杯好咖啡，小公主就真係唔識但點樣先係一間好既coffee shop比起要有啅頭夠gimmick小公主認為最重要既其實係有心最近我試左呢間位於西環既artisan garden café從環境、食物到服務，都可以睇到佢地既誠意先講環境，Café係有分室外同室內室外位置雖然唔大，但店主種左好多小盆栽而且抬頭仲見到d老樹既樹根同老樹呼吸住同樣既空氣其實人同大自然都係應該共生店內裝修以木為主，加埋好有特色既燈同佈置環境舒服得黎又不失型格最特別既係，店內有成面牆用黎放置左好多fire king既餐具估計店主都係fire king既收藏者之一(fire king係一個日本人好鍾意既懷舊餐具品牌)All Day Waffle Breakfast $108呢到既ALL DAY唔算大份炒蛋超多，我懷疑最少用左2隻蛋以上蛋香雖然唔算濃，但係就夠嫩滑腸仔係當日既亮點呢d’鬼佬’腸有時會好膻，一係就香料太重但呢到既腸仔完全無呢兩個問題，味道好好Waffle外脆內軟不過我比較鍾意甜食waffle (純個人口味)Chicken Av
飲咖啡既文化係香港真係愈黎愈盛行而Coffee shop都因此愈開愈多
雖然點為之一杯好咖啡，小公主就真係唔識
但點樣先係一間好既coffee shop
比起要有啅頭夠gimmick
小公主認為最重要既其實係有心
最近我試左呢間位於西環既artisan garden café
從環境、食物到服務，都可以睇到佢地既誠意
先講環境，Café係有分室外同室內室外位置雖然唔大，但店主種左好多小盆栽
而且抬頭仲見到d老樹既樹根
同老樹呼吸住同樣既空氣
其實人同大自然都係應該共生
店內裝修以木為主，加埋好有特色既燈同佈置環境舒服得黎又不失型格
最特別既係，店內有成面牆用黎放置左好多fire king既餐具估計店主都係fire king既收藏者之一
(fire king係一個日本人好鍾意既懷舊餐具品牌)
All Day Waffle Breakfast $108呢到既ALL DAY唔算大份
炒蛋超多，我懷疑最少用左2隻蛋以上
蛋香雖然唔算濃，但係就夠嫩滑
腸仔係當日既亮點
呢d’鬼佬’腸有時會好膻，一係就香料太重
但呢到既腸仔完全無呢兩個問題，味道好好
Waffle外脆內軟
不過我比較鍾意甜食waffle (純個人口味)
Chicken Avocado Burger $98見成日都係食牛既burger，所以當日就叫左雞
而另一個原因其實係想食avocado (哈哈)
一開頭都會怕件雞係雞胸，食落鞋十十
點知原來佢地係用炸雞
雞肉外皮炸得香脆，而肉就仲保持鮮嫩
加埋d avocado同埋新鮮既蔬菜，真係好夾好好味
Artisan Signature Iced Americano $48呢到既冰都係用咖啡黎整
所以就唔怕會愈飲愈淡喇
叫得signature果然無令人失望
當日我偷試左幾啖
就連我呢d門外漢都覺得好好飲
咖啡入口好香滑，唔會鞋住個口
而且味道好醇，完全無酸或者好重既苦澀味
男友都話呢杯係佢近來覺得最滿意既咖啡
Fruit Tea – Strawberry (Pot) $55好多café都正係得咖啡供應
對於我呢d唔飲咖啡既人，真係好大打擊
不過黎呢到就唔駛怕，佢茶既種類都有成10款
當日叫左士多啤梨茶，未飲之前茶味勁香
飲落口唔算好甜，不過都有淡淡既士多啤梨味
而且入面仲落左d鮮士多啤梨一齊泡
望住壺茶，心情都覺得好d
雖然食物份量有少少細份，但係質素真係好高
而且店員招呼超落力又親切
加上咁特別同舒服既環境，都係值得既
雖然地點係有少少遠
但都好推薦大家星期6日去坐下relax下
Post
