東海堂 (港鐵東涌站)

Open Now

Now Closed

媽媽生日喺東海堂買左個福願旋栗比佢，因為佢鍾意食栗子蛋糕🙊，同埋順便用左張餅劵，基於平時都唔會喺到買野。其實東海堂仲有第二款栗子蛋糕，但我地唔係太鍾意食蛋糕一半都係食緊忌廉，所以就揀左呢隻全新聖誕版。蛋糕面係好味幼滑嘅栗子茸，仲有3粒栗子作點綴，入面係清香嘅紅茶蛋糕，唔係食到悶嘅海綿蛋糕，栗子茸同紅茶蛋糕配搭都幾夾，不過就略嫌紅茶蛋糕不夠鬆軟乾身左d啦，所以口感冇咁好😬。夾層蘊藏左朱古力杏仁脆同栗子餡，餅邊又有朱古力碎，成個蛋糕食到多重口感唔會咁悶得一種味道。另外，呢款蛋糕唔會好甜，食完唔會好口渴想飲水。平時有得揀一定唔會揀栗子蛋糕，但呢個我可以，令我對栗子蛋糕改觀冇咁抗拒。