三餐冰室

Open Now

Now Closed

今晚收到要OT嘅消息，咁樣當然要先食飽再做啦，一想就係平時食早餐嘅三餐冰室，平時都係主要食早餐，快靚正！今晚本想食個鐵板，見到都好大份，但怕太飽，同埋又見到餐牌內嘅中式客飯都好吸引，有我最愛嘅粟米魚柳，就係咁選了！個餐本身就已經配有紫菜湯同白飯，而份量絕對足夠！上枱粟米魚柳、湯、飯一齊來，大大碟嘅粟米魚柳，在香脆嘅魚柳上淋滿了粟米汁，一啖煙韌彈牙嘅白飯加一啖栗米魚柳，堅正！而個紫菜湯亦十分足料，湯內啖啖都有紫菜之餘還有煲湯瘦肉，一樣好味！最後加埋杯凍檸蜜，冰凍涼快爽！食飽就回公司繼續！