學園祭 (Closed)

想重拾校園感覺，尖沙咀諾士佛臺近期開左一間以校園風裝修為主題嘅餐廳，仲打正香港人愛吃嘅韓日菜! 有三個課室作為用膳地方，課室設計入面有黑板壁報，枱有櫃筒，其中一個仲係實驗室，用埋高枱高凳配合番。餐廳common area仲有張乒乓枱呢，整體裝修可見用心。食物方面，個人覺得我所叫嘅都不錯，特別係個韓式芝士蛋卷，蛋入面仲有一塊紫菜帶起成個食物嘅味道，再加埋芝心在最內層，正! 可惜既係所有食物嘅份量偏小，所以男士們或者一大班人應該唔係好夠飽~ 韓式飯卷半份仲會以食物盒作皿器，同飲品用量杯，食具也會配合埋主題呢~ 除左食，仲會有突擊測驗玩，問題以IQ題，要答岩晒都幾難，所以我梗係有出貓! 不過其實答完嘅禮物只係一個佢地餐廳嘅襟章~依類型嘅餐廳通常都食一次就算，雖然味道唔係差，不過份量真係比較少，所以唔抵食~環境氣氛： ★★★★☆食物質素： ★★★★☆服務態度： ★★★★☆